Kollajdy jasaǵan Qonysbaı ShEJIMBAI, «EQ»
Osy saltanatty is-sharanyń shymyldyǵyn túrýge Shveısarııanyń Ekonomıka jáne menedjment boıynsha qoldanbaly ǵylymdar mektebiniń rektory Domınık Djordan arnaıy keldi. Atalǵan jobanyń qazaqqa berer mańyzy zor. Nege deseńiz, Open Space formaty árbir azamatty kóshbasshylyqqa jetelep, kreatıvti oılaýǵa sep bolady. Ol az deseńiz, qarjylyq jáne medıa saýattylyqtan bastap, álemdik jáne qazaqstandyq klassıkterdiń shyǵarmalaryn erkin meńgerýge jol ashady. Oqyrmannyń bilim deńgeıi men oı-órisin baıytady. Bul joba sonysymen qundy.
«Bilim izdeýge tilek bildirýshi árbir jannyń usynysy biz úshin qymbat. Aqparattyq tehnologııa damyǵan zamanda tutynýshynyń tilegine qulaq asý mańyzdy. Bizdiń elde bul júıe jaqsy damyǵan. Endi oıymyzdy, usynymyzdy sizdermen bólisip otyrmyz. Igilikti isti qolǵa alǵandaryńyzǵa alǵysym sheksiz. Oıly ári saýatty qoǵamdy qalyptastyrýǵa kúsh salaıyq», dedi D.Djordan.
Osy qýanyshty oqıǵany bólisýge Astana qalasy Tilderdi damytý jáne arhıv isi basqarmasynyń basshysy Sáken Esirkep, Ulttyq arhıv dırektory Saǵıla Nurlanova, sondaı-aq Ǵylym jáne joǵary bilim mınıstriniń keńesshisi Meıir Eskendirov keldi. Olar aq tilegin aqtaryp, Shveısarııadan kelgen qonaqqa alǵysyn jaýdyrdy.
