Memleket basshysy óziniń saılaýaldy baǵdarlamasynyń túıindi tustaryn atap ótip, aldaǵy kezeńde elimizdiń damý baǵyttaryn da kórsetti. Aýyldy damytý memlekettiń jaqyn bolashaqtaǵy birinshi kezektegi mindeti retinde kórsetýi bolashaqqa senim uıalatady.
Qasym-Jomart Toqaev aýyldy damytý týraly Jarlyqqa qol qoıatynyn aıtty. «Búginde halyqtyń 40 paıyzǵa jýyǵy aýyldyq jerlerde turady. «Aýyl – el besigi» dep halyq beker aıtpaǵan. Sondyqtan aýyldaǵy jaǵdaıdy jaqsarta almasaq – bárimizge syn. Osy maqsatta búgin Úkimetke 5 jyl merzimge aýyldy damytý tujyrymdamasyn ázirleýdi tapsyratyn Jarlyqqa qol qoıamyn. Bul meniń jańa prezıdenttik merzim aıasyndaǵy birinshi Jarlyǵym bolmaq», dedi Qasym-Jomart Toqaev.
Ádildik pen zańdylyqtyń birligi – negizgi moraldyq bastama. Sondaı-aq Memleket basshysy barlyq zańsyz shyǵarylǵan qarajatty Qazaqstanǵa qaıtarý týraly Jarlyqqa qol qoıdy. Ol úshin Úkimet ádiletsiz baıýǵa jáne aktıvterdi zańsyz shyǵarýǵa yqpal etken sebepter men sharttardy joıýǵa baǵyttalǵan zań jobasyn daıyndaıdy. Barlyq qaıtarylǵan qarajat azamattardyń ıgiligi úshin jumsalýǵa tıis.
Túrli saladaǵy ustanymyn naqty aıqyndap bergen Prezıdent halyq múddesi bárinen de joǵary ekenin qadap aıtty. Al bul elimizdiń alǵa qoıǵan bıik maqsattarǵa jetý jolynda reformalar men jańǵyrý jolyn jalǵastyratynyna senimdi odan ári nyǵaıta túsedi.
Ilıas BÝLAROV,
Májilis depýtaty
