Jolaqysynyń qymbat bolýy basqany bylaı qoıǵanda ata-analarǵa ońaı soqqan joq. Birneshe balasyn aýdan ortalyǵyndaǵy gımnazııa men lıseıge oqýǵa jiberetin lýgovoılyqtar shyǵynǵa batqanyn udaıy aıtyp júretin. Aýdan basshysy Ernar Esirkepovtiń bastamasymen ótkir másele óz sheshimin tapty.
Endi eki aýyl ortasynda segiz birdeı avtobýs qatynaıdy. Máseleniń ońynan sheshilýi úshin «Konsern-Qazqurylyssıtı» jaýapkershiligi shekteýli seriktestiginiń dırektory Aıtjan Jumabekovpen jergilikti atqarýshy bılik arasynda kelisimshart jasaldy. Qoǵamdyq kólik endi eresekterdi 60 teńgelik tarıfpen tasymaldasa, oqýshylar úshin jolaqysy 30 teńge bolyp bekitildi. Osylaısha, mańyzdy másele óz sheshimin tapty.
«Bul máseleni eki aýyldyq okrýg turǵyndarynyń kóterip júrgenine biraz ýaqyt boldy. Rasynda da, bir úıden birneshe balanyń qatynap oqıtynyn eskersek, olardyń jolaqysy men tamaǵyna ájepteýir shyǵyn ketedi eken. Al eki aýyldaǵy halyqtyń jalpy sany 30 myńnan assa, olardyń 6 myńǵa jýyǵy mektep oqýshylary ekenin aıta ketken jón. Qysqasy, ótkir máseleni der kezinde sheshkenimiz durys boldy», deıdi aýdan ákimi Ernar Esirkepov.
Rasynda da, Lýgovoıdan Qulanǵa qatynap oqıtyn oqýshylardyń qatary basym. Sońǵy kezderi qymbatshylyqtan qaýsap qalǵan jurtshylyq qoǵamdyq kólik máselesin jıi aıta bastaǵan edi. Jergilikti atqarýshy bıliktiń halyq talabyna nazar aýdarǵany qýantyp otyr.
Jambyl oblysy,
Turar Rysqulov aýdany
