Ǵylym • 30 Qarasha, 2022

Injenerlik akademııanyń ıgi bastamasy

54 ret kórsetildi

Jaqynda Almaty qalasynda Parlament Senatynyń depýtaty, Ulttyq ınjenerlik akademııasynyń prezıdenti Baqytjan Jumaǵulovtyń tóraǵalyǵymen Qazaqstan Respýblıkasy Ulttyq ınjenerlik akademııasynyń jıyny ótti.

Alqaly jıynǵa qatysýshylar Mem­leket basshysy Qasym-Jomart Toqaev­tyń otandyq ǵylymdy damytý jáne onyń óndirispen baılanysyn nyǵaıtý týraly nusqaýlaryn basshylyqqa ala otyryp, belgilengen mindetterdi iske asyrýda ǵylymı-ınjenerlik qoǵam­dastyqtyń rólin arttyrýǵa erekshe nazar aýdardy.

– Tehnıkalyq ǵylymnyń, ınjener­lik istiń damý deńgeıi – adamı kapıtal­dyń, jalpy ekonomıkanyń básekege qabi­lettiliginiń basty kórsetkishiniń biri. Búgingi tańda eldiń turaqty damýy men ekonomıkalyq qaýipsizdigi ınjener­lik qoǵamdastyqqa tikeleı baılanysty, – dep atap ótti akademık B.Jumaǵulov.

Jıynǵa qatysýshylar ǵylym nátı­je­lerin is júzinde iske asyrýdyń túbe­geıli jańa deńgeıine kóshýdiń, ony óndirispen, bıznespen pármendi ınteg­rasııalaýdyń, naryqtyń perspek­tıvalyq tehnologııalyq talaptaryn qanaǵattandyrýdyń asa ótkir mindet­terin talqylady. Atap aıtqanda, ón­diris­tiń ǵylymı-tehnıkalyq másele­lerin sheshý úshin konsorsıýmdardy damytý, ǵaryshtyq zertteýlerdi el ekonomıka­synda tıimdi paıdala­ný, aýyl sharýa­shylyǵyndaǵy ınno­­vasııalyq tehnologııalardy kommersııalandyrý tájirıbesi tereń taldandy. Atom sala­synyń ǵyly­mı-tehnıkalyq áleýe­tin damytý, Qazaqstannyń avtojol salasynyń problemalaryn sheshý joldary týraly usynystar tyńdaldy.

Ulttyq ınjenerlik akademııasy basshylyǵyna saılaý ótip, táýelsiz Qazaqstannyń úzdik ınjeneri (2018), akademık Amandyq Batalov birinshi vıse-prezıdent bolyp saılandy. Al Ulttyq ınjenerlik akademııasy Batys Qazaqstan fılıalynyń tóraǵasy, akademık Aqserik Áıtimov vıse-prezıdent bolyp saılandy.

Elimizdiń jetekshi ınjenerleriniń jınalysy Qazaq ulttyq agrarlyq zertteý ýnıversıtetiniń bazasynda ótkizildi. Atalǵan ýnıversıtettiń basty maqsaty – ǵylym men óndiristi ıntegrasııalaý, irgeli jáne qoldanbaly ǵylymı zertteýlerge qatysý arqyly joǵary bilikti kadrlardy daıarlaý.

Jalpy jınalys kórsetkendeı, elimizdiń jetekshi ǵalymdary men ınjenerleri Memleket basshysy Qasym-Jomart Toqaevtyń jańa Qazaqstandy qurý baǵytyn biraýyzdan qoldaıdy, sondaı-aq ekonomıkany damytýǵa bar kúsh-jigerin jumsaıtyn bolady.

Sońǵy jańalyqtar

Qordyń qomaqty qoldaýy

Ekonomıka • Keshe

О́temaqyǵa ótinish ber

Ekonomıka • Keshe

Qymbatshylyq qaıda aparady?

Ekonomıka • Keshe

Otbasynda – 36 bala

Qoǵam • Keshe

Gazben tolyq qamtylǵan aýdan

Aımaqtar • Keshe

Sý basýdyń qaýip-qateri

Aımaqtar • Keshe

Tumaýdan saq bolyńyz!

Medısına • Keshe

Kúre joldaǵy apat

Aımaqtar • Keshe

Aqparattyq júıedegi aımaq

Aımaqtar • Keshe

Seni osylaı súıemin

Ádebıet • Keshe

Aǵash adam

Ádebıet • Keshe

Asyldyń synyǵy

Aımaqtar • Keshe

Uqsas jańalyqtar