Qoǵam • 30 Qarasha, 2022

«Qyzmet live» – halyqpen kedergisiz baılanys

64 ret kórsetildi

Bıyl Jetisýda 1 076 307 memlekettik qyzmet kórsetilgen bolsa, onyń 916 866-sy jergilikti atqarýshy organdarǵa tıesili. Al ortalyq memlekettik organdardyń aýmaqtyq bólimsheleri 159 441 ret halyqqa járdemdesken. Bul rette Memlekettik qyzmet isteri agenttiginiń oblystyq departamentiniń belsene jumys istep jatqany baıqalady.

El Prezıdenti Qasym-Jomart Toqaev usynǵan «Halyq únine qulaq asatyn memleket» tujyrymdamasy – memlekettik organdar qyzmetin jetildirýge arnalǵan negizgi qaǵıdat. Nege deseńiz, búginde kóptegen máse­lege qozǵaý salyp, el tarapynan qoldaý taýyp otyr. Memleket bas­shy­sy­nyń tujyrymdamasyn iske asyrý, memlekettik qyzmetterdi sapaly usyný, azamattardyń óti­nish­terin, shaǵymdaryn jedel ári tıimdi qaras­ty­rý memlekettik or­gan­dardyń basty mindeti.

Búginde jergilikti atqarýshy or­­­gan­­dar kórsetetin memlekettik qyz­met 295 tizimnen turady. Onyń 289-y halyqqa elektrondyq nusqada usynylady. Jalpy qyzmet sanynyń 95 paıyzy elektrondy nusqada usynylsa, 1,27 paıyzy memlekettik korporasııa arqyly kórsetilgen. Al ortalyq memlekettik organdardyń aýmaqtyq bólimsheleri memlekettik qyzmetterdiń 79 paıyzyn elektrondy túrde, 19 paıyzyn memlekettik korporasııa arqyly kórsetkenin aıta ketý kerek. Memlekettik qyz­met isteri agenttiginiń Jetisý ob­lysy boıynsha departamentiniń basshysy Qobylan Manap «Halyq únine qulaq asatyn memleket» tujyrymdamasyn iske asyrý úshin belsene jumys istep jatqandaryn jetkizdi.

«Jyl basynan memlekettik qyz­­metterdi elektrondy túrde alý tár­tibin úıretý boıynsha 455 is-shara ótti. Elektrondyq mem­le­kettik qyz­met alýdy halyq arasynda nasıhattaý úshin telearnada 5 baǵdarlama kórsetilip, merzimdi baspasózde 42 maqala jaryq kórdi. Odan bólek, departament bastamasymen halyqpen kedergisiz baılanys ornatýdy maqsat etetin «Qyzmet live» jobasy júzege asy­ry­lýda», deıdi Q.Manap.

Búginde atalǵan salada ashyqtyq jáne eseptilik qaǵıdattaryn iske asy­rý úshin oblys ákimdigi men «Jetisý» TRK qoldaýymen «Elge qyzmet» baǵdarlamasy jumys is­teıdi. Sondaı-aq elektrondyq qyz­met­­terdiń qol­jetimdiligin qam­ta­­masyz etý maqsa­tynda oblys­ta 1 051 ózine-ózi qyzmet kór­setý bu­ry­shy ashylǵan. Sol ar­qyly 19 450 memlekettik qyzmet kór­se­til­gen.

«Turǵyndarǵa qolaıly jaǵdaı jasaý úshin 2018 jyldan bastap 13 servıstik ákimdik ashylǵan bolatyn. Onyń ishinde 3-eýi Qaratal aýdanynyń Bastóbe aýylynda, qalǵany Sarqan aýdanynyń Cherkask aýy­lynda, Ala­kól aýdanynyń Qaban­­baı aýy­lyn­da qu­ryldy. Búgin­de «ser­vıstik ákim­dikter» ar­qy­ly 23 400 mem­­le­kettik qyzmet kór­setildi», deıdi Q.Manap.

Departament ókiliniń aıtýynsha, budan bólek, óńirde memlekettik qyzmet kórsetý úderisindegi olqy­lyq­­tar­ǵa, bıznes-prosesterdiń tıisinshe rettelmeýine, ákimshilik ke­d­ergilerge jáne artyq talap­tar­ǵa nazar aýdarylyp, monıtorıng júrgizilip jatyr.

 

Jetisý oblysy

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar