Beısen Quranbek týrnıri

Dúbirli dodanyń ashylý sal­tanatyna Beısen Quran­bektiń áriptesteri, týǵan-týys­tary, zaıyby qatysyp, alys­tan arnaıy kelgen jýrnalıs­terge alǵys aıtty. «Jetisý» telearnasynyń dırektory Se­rik Ábiken, «О́lke tynysy» JShS dırektory Dosan Atan­telov, Jetisý oblysy áki­miniń orynbasary Rýstam Álı jáne dodanyń demeýshisi «Me­dıalab» aqparattyq orta­lyǵynyń jetekshisi Rıshat Asqarbekuly sóz sóılep, es­telikterimen bólisti.

Jarys bastalmas buryn Beısen Quranbek jaıly beı­neúzindi kórsetilip, jurt mar­qumdy bir mınýt únsizdik­pen eske aldy.

Dodaǵa kelgen 8 komanda eki topqa bólinip, dop tepti. Kelgen komandalardyń osaly joq. Astanadan jetken «Habar» komandasy BAQ lıga oıyndarynyń birneshe dúrkin chempıony, sapynda Grýzııada  Kote Maharadze atyndaǵy jýrnalıster arasyndaǵy ha­lyqaralyq týrnırdiń jeńim­pazdary bar. Sonymen qatar Syr óńirinde ótken týrnırdiń chempıony astanalyq «Eks­press-K» da osal emes. «Shy­ǵys-aqparat» oıynshylary da júl­deden dámeli. О́tken jyly osy týrnırdiń chempıony atan­ǵan «Almaty» quramasy da oıyn­nan alar úlesimiz bar dep kelgeni anyq.

Beısen Quranbek atyndaǵy týrnırdiń kýbogyn enshileımiz dep kelgen komandalar kúni boıy dop teýip, myqtyny anyq­tady. Týrnırdiń betashar dobyn fýtzaldan ulttyq qurama múshesi Jomart Toqaev oıynǵa qosyp, jarystyń jolyn ashty.

Toptyq kezeńde qara úzip shyq­qandardyń arasynda tal­dyqorǵandyq «Qare­ket», astanalyq «Habar», «Ekspress-K», Tarazdan kelgen «Taraz-press» komandasy boldy. Osy 4 myqtynyń arasynan jarystyń chempıony anyqtaldy. Dodanyń taǵy bir ereksheligi – básekege alǵash ret «Qazaqfılm» komandasynyń qatysýy jáne «Jetisý» arna­synyń «Iýtýb» kanalynda tikeleı translıasııa júrip, jan­kúıerlerdiń dop dodasyn kó­rýge múmkindik jasalǵany.

Mine, osy tikeleı kórse­tilimdi tapjylmaı qarap otyr­ǵan jankúıerlerdiń birqatary jeńisti «Habarǵa» ustatsa, biri «Ekspress-K» komandasynyń qanjyǵasyna baılap jatty.

Sonymen, jartylaı fınalda «Qareket» pen «Taraz-Press» komandasynyń joly túıisip, aqtyq synǵa taldyqorǵandyq «Qareket» shyqty. Al «Habar» men «Ekspress-K» arasyndaǵy oıynda almatylyq ujymnyń joly boldy. Úshinshi oryn úshin talasta «habarlyqtar» jeńiske jetip, týrnırdiń qola júldesin enshilese, fınalda teń túsken «Qareket» pen «Eks­press-K» tartysty oıyn ór­negimen jankúıerlerdiń esinde qaldy. Taldyqorǵandyq komanda júldeni alyp qalýdy jón kórmeı, qonaqtardyń qan­jyǵasyna baılaý arqyly kúmis júldeni qanaǵat etti.

Birinshi oryn ıegeri «Eks­press-K» komandasyna 800 myń teńgeniń sertıfıkaty, kýbok jáne medal tabystaldy. Ekinshi orynǵa 600 myń, úshinshi orynǵa 400 myń jáne tórtinshi orynǵa 200 myń teńge berildi. Sondaı-aq birneshe nomınasııa jáne arnaıy Jumataı Jaqypbaev pen Nurtileý Iman­ǵalıuly atyndaǵy júlde de tabystaldy.

Jarysqa kelgen koman­danyń barlyǵy júldesiz qaıt­qan joq. Osylaısha, jo­ǵary deńgeıde ótken Beısen Quran­bek atyndaǵy týrnırge qo­naqtar dán rıza boldy.

Jetisý oblysy