Búgin Parlament Senatynda «Qoljetimdi jáne tıimdi densaýlyq saqtaý júıesi» taqyrybyna arnalǵan úkimet saǵaty boldy. Otyrys Prezıdenttiń «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn iske asyrý aıasynda ótti, dep habarlaıdy Egemen.kz Senattyń baspasóz qyzmetine silteme jasap.
Palata Tóraǵasynyń orynbasary Olga Perepechına ár azamatqa densaýlyq saqtaý quqyǵyn iske asyrýǵa múmkindik beretin jaǵdaı jasaý – memlekettik saıasattyń basty basymdyǵy ekenin atap ótti. Saladaǵy problemalar ózekti bolyp qala beretini jáne oǵan senatorlar óńirlerge saparlary barysynda birneshe ret kóz jetkizgeni atap ótildi. Olga Perepechına Memleket basshysy ult densaýlyǵyn qamtamasyz etýdiń basty sharty retinde qoǵamnyń úılesimdi damýy ekenin aıtqanyn eske saldy.
«Búgingi tańda densaýlyq saqtaý salasynda aýqymdy jumys atqarylǵanyna qaramastan, «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasyn iske asyrýdyń ekinshi jyly ótip jatsa da qabyldanyp jatqan sharalar men bólingen qarjy, densaýlyq saqtaý júıesindegi problemalar, ókinishke qaraı, áli de ótkir qalpynda qalyp otyr: ol emhanalardaǵy kezekter, sırek sala mamandarynyń tapshylyǵy, aǵymdaǵy tarıfter naqty shyǵyndardy jabýǵa múmkindik bermeıdi. Osyǵan baılanysty medısınalyq uıymdarda, ásirese aýyldyq jerlerde bıýdjet tapshylyǵy men nesıe bereshegi ósip barady, kirikpegen aqparat júıesi jumysynyń qıyndyǵy sheshilgen joq, ol kórsetiletin qyzmetterdiń sapasyna, shyǵyndardyń ashyqtyǵy men tıimdiligine keri áser etedi», dedi Olga Perepechına.
Senator Aqmaral Álnazarova da saladaǵy jaǵdaıdyń kóńilden shyqpaı turǵanyn aıtyp, densaýlyq saqtaý salasyndaǵy naqty problemalarǵa Úkimettiń nazaryn aýdardy. Senatordyń aıtýynsha, Qazaqstan Birikken Ulttar Uıymynyń múshesi retinde BUU Bas Assambleıasynda qabyldanǵan Ornyqty damýdyń jahandyq 17 maqsatyna qol jetkizý jónindegi mindetteme alǵan bolatyn. Qazaqstan Ornyqty damý salasyndaǵy kún tártibi qabyldanǵan sátten bastap ony iske asyrýda naqty nátıjege qol jetkizdi, alaıda densaýlyq saqtaý salasyndaǵy maqsattar kórsetkishiniń jartysyna – 14-tiń 7-eýine qol jetken joq. Elimizde sheshilmegen problemalar bar, atap aıtqanda saqtandyrylmaǵan halyq medısınalyq qyzmetterge áli de qol jetkize almaı otyr. Sonymen qatar saqtandyrylǵandar da medısınalyq qyzmetterdiń tıisti kólemin ala almaıdy. Elimizde aýrýlardy erte bilýge arnalǵan skrınıngter sapasynyń tómendigi, sondaı-aq ambýlatorııalyq dári-dármekpen qamtamasyz etý sapasynda problemalar áli joıylǵan joq.
«Senatty ana men bala óliminiń joǵary deńgeıi de alańdatyp otyr. Medısınalyq saqtandyrý júıesi engizilgen sátten bastap saqtandyrý júıesine enbegen reprodýktıvti jastaǵy áıelderge júktilikke josparly túrde daıyndyq pen medısınalyq emdelý sharalary qoljetimsiz bolyp qaldy. Júktiliktiń 10-shy aptasynan keıin ǵana áıel memleket tarapynan jeńildik sanatyndaǵy azamattarynyń qataryna qosylyp, saqtandyrylǵan mártebege ıe bolady. Elimizdegi ana ólimi jónindegi aýyr jaǵdaıdy eskersek, mindetti áleýmettik medısınalyq saqtandyrý júıesinde reprodýktıvti jastaǵy áıelderge kórsetiletin medısınalyq qyzmet kólemderin qaıta qaraý qajet ekeni sózsiz. Shyny kerek, ár áıel, ıaǵnı bolashaq ananyń óz qarajatynan emdelýge múmkindigi bar dep aıtýǵa kelmeıdi», dedi senator Aqmaral Álnazarova.
Úkimet saǵaty barysynda respýblıkanyń densaýlyq saqtaý mınıstri Ajar Ǵınııat jáne «University Medical Center» korporatıvtik qorynyń Basqarma tóraǵasy Iýrıı Pıa baıandama jasady. Máselelerdi talqylaýǵa sondaı-aq memlekettik organdardyń ókilderi, oblystar men Astana, Almaty, Shymkent qalalary ákimderiniń orynbasarlary, densaýlyq saqtaý salasyndaǵy táýelsiz mamandar jáne Senat janyndaǵy Jas sarapshylar klýbynyń músheleri qatysty.
Úkimet saǵaty barysynda densaýlyq saqtaý salasyndaǵy problemalardyń sheshilýi óńirlerdi odan ári damytýda mańyzy zor ekeni atap ótildi. Sondyqtan elimiz óńirleriniń atynan saılanǵan Palata retinde Senat densaýlyq saqtaý júıesinde bar máselelerdi sheshýge árqashan atsalysatyn bolady.
Úkimet saǵatynyń qorytyndysy boıynsha Úkimetke jiberiletin usynymdar ázirlenetin boldy.
Elimizde transulttyq qylmystyq toptyń qyzmeti toqtatyldy
Qazaqstan • Búgin, 09:53
Qazaqstan boksshylary Nıý-Delıde altyn júlde úshin baq synaıdy
Boks • Búgin, 09:42
Qazaqstannyń úzdik tennısshileri Maıamı dodasyn sátti bastady
Tennıs • Búgin, 09:35
Túrkııanyń Kahramanmarash provınsııasynda jer silkindi
Álem • Búgin, 09:22
24 naýryzǵa arnalǵan valıýta baǵamy
Qarjy • Búgin, 09:12
Atyraýda birneshe mekteptiń oqýshylary onlaın oqıdy
Qoǵam • Keshe
Uqsas jańalyqtar
