«Shynymen, Ekibastuzda úlken apat, úlken másele týyndady. Bul másele birden týa qoıǵan joq, ıaǵnı jylý jelileri men Ekibastuz jylý stansasynyń ıeleri bir kezderi olardy keshen retinde satyp alǵan. Búkil aktıvtiń ishinde «Ekibastuz JEO» men «Ekibastuz jylý jelileri» kásiporny eń eski jáne eń rentabeldi sharýashylyqtar sanalady. Investorlar nemese menshik ıeleri buǵan mán bermegen sııaqty. Olar ınvestısııalyq sýbsıdııalar men tarıfterdi eseptese kerek, bárin jappaı satyp aldy», dedi Nurjan Áshimbetov Telegram arnalarynyń birinde jarııalanǵan vıdeo úndeýinde.
N.Áshimbetov Ekibastuz qalasynyń ákimi bolyp 2018 jyldyń tamyz aıynda taǵaıyndalǵanyn eske saldy.
«Birinshi másele mýnısıpaldy sharýashylyqta týyndady. Qalanyń kommýnaldyq menshigindegi sý jelileri qazir senimgerlik basqarýǵa berilgen eken. Al jóndeý jumystaryn júrgizgen kezde jylýmen jumys isteıtinder óz jumystary men jobalarynda sý jelilerin aýystyrýdy eskermegen. Iаǵnı, sý jelilerin sol eski naýaǵa qaldyryp, jelilerin bólek tartyp alǵan. Spýtnıktik jylý qubyrlary joq, sý jelileri jalańash qalyp qoıǵan. Sodan keıin biz bul máseleni sheshtik. Kelesi jobalarǵa sý qubyry jelilerin esepke alý men jańǵyrtýdy engizý kerek degen maqsat qoıdyq», dedi qalanyń burynǵy ákimi.
Nurjan Áshimbetovtiń aıtýynsha, joba qorǵalǵan.
«Birlesken jobalardy qolǵa aldyq, sý qubyryn aýystyrýǵa bıýdjetten qarjy bólindi. Osy máselelerdiń birqatary joıyldy. Endi, shamasy, keleshekte men qyzmetten ketkennen keıin jylý jelilerin aýystyrýdy toqtatty. Osy aralyqta jylý jelilerin aýystyrý, qaıta jańǵyrtý jumystary júrgizilmedi dep oılaımyn», dedi N.Áshimbetov.
Brıfıng barysynda Pavlodar oblysy ákiminiń mindetin atqarýshy Oleg Krýk Ekibastuz qalasyn jylýmen, sýmen jáne elektrmen qamtý jaǵdaıyna toqtaldy.
27 qarashaǵa qaraǵan túni Ekibastuzda birneshe qazandyq birden toqtady.
Tańerteń mamandar 8 jáne 14 qazandyq agregattaryn iske qosyp jatqany belgili boldy. Jóndeý brıgadalary uıymdastyryldy. Jaǵdaıǵa Pavlodar oblysynyń ákimi Ábilqaıyr Sqaqov pen Ekibastuz qalasynyń ákimi Aıan Beısekın de túsinikteme berdi. Olardyń aıtýynsha, jylý júıelerinde 10 búliný orny anyqtalǵan.
Energetıka mınıstrligi jylý jelileriniń zaqymdanýy Ekibastuz JEO qazandyqtarynyń toqtap qalýyna sebep bolǵanyn habarlady. Nátıjesinde qalada tótenshe jaǵdaı jarııalandy.
Qazaqstan Respýblıkasynyń Prezıdenti Úkimet pen Pavlodar oblysynyń ákimdigine jaqyn kúnderi Ekibastuzdaǵy jaǵdaıdy qalypqa keltirýdi, qalada kúrdeli jaǵdaıdyń týyndaýyna jol bergenderdi jaýapkershilikke tartýdy tapsyrdy.
1 jeltoqsan saǵat 08:00 jaǵdaı boıynsha No 6, 8,9,12,14,15 alty qazandyq jumys isteıdi; rezervte tórt qazandyq bar (5,7,11,13). 132 kópqabatty úıge jylý berý qalpyna keltirildi, 5A, 5B jáne 6 shaǵynaýdandaryndaǵy 114 jeke turǵyn úı jáne 13 áleýmettik nysan, 17 kópqabatty úı ortalyqtandyrylǵan jylý júıesine qosylmaǵan.
