Aımaqtar • 08 Jeltoqsan, 2022

Atyraýda kólik muz astyna qulap ketti

96 ret kórsetildi

Atyraýda kólik muz qatqan Jaıyq ózeniniń astyna qulap ketti. Áleýmettik jelide kóliktiń muz bolyp qatyp qalǵan vıdeosy paıda boldy, dep habarlaıdy Egemen.kz.

Jeli qoldanýshylary júk kóliginiń Atyraý oblystyq orman sharýashylyǵy jáne janýarlar dúnıesi aýmaqtyq ınspeksııasynyń balyq qorǵaý basqarmasyna tıesili ekenin jazdy.

Oblystyq TJD qyzmetiniń habarlaýynsha, kólik jaǵalaý syzyǵynan 15 metr jerde Peshnoı aýyldyq okrýgi Damba aýylynda isten shyqqan. Zardap shekkender týraly málimet joq.

Qutqarýshylar muzdy lommen kesip ótti, al jedel-qutqarý jasaǵynyń súńgýirleri sý astyna túsip, kóliktiń artqy dóńgelekterine kabeldi baılap, ony jaǵaǵa shyǵardy. Qutqarý jumystaryna Atyraý oblysy Tótenshe jaǵdaılar departamentiniń jedel-qutqarý jasaǵynyń alty qyzmetkeri men bir tehnıkasy jumyldyryldy.

Atyraý oblysynyń Tótenshe jaǵdaılar departamenti juqa ári názik muzǵa shyǵýǵa, sondaı-aq kólik aıdaýǵa bolmaıtynyn eske saldy.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar