QR Premer-Mınıstri Álıhan Smaıylovtyń tóraǵalyǵymen ótken Prezıdent janyndaǵy sıfrlandyrýdy engizý máseleleri jónindegi komıssııa otyrysynda ınternet sapasyn jaqsartý, baılanys ınfraqurylymyn jáne jańa sıfrlyq ónimderdi damytý josparlary talqylandy, dep habarlaıdy Egemen.kz Úkimettiń baspasóz qyzmetine silteme jasap.
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın qalalar men aýyldardy joǵary jyldamdyqty ınternetke qosý, respýblıkalyq jáne birinshi dárejedegi oblystyq joldar boıynda talshyqty-optıkalyq baılanys jelilerin tartý/tóseý/montajdaý, sondaı-aq 5G jelilerin engizý boıynsha keń aýqymdy jumystar qarastyrylǵan 2023-2027 jyldarǵa arnalǵan «Qoljetimdi Internet» ulttyq jobasyn ázirleý barysy týraly baıandady.
Sondaı-aq sıfrlyq damý, ınnovasııalar jáne aeroǵarysh ónerkásibi mınıstri Memleket basshysynyń memlekettik apparattyń qyzmetin bıýrokratııadan aryltý jáne memlekettik statıstıkany júrgizý men memlekettik qyzmetter kórsetýdiń dáldigin arttyrýǵa múmkindik beretin sıfrlyq statıstıkalyq tirkelimderdi engizý jónindegi tapsyrmasy sheńberinde memlekettik organdardyń derekterin sıfrlandyrý barysy týraly aıtyp berdi.
Álıhan Smaıylov bir aı merzimde «Qoljetimdi Internet» ulttyq jobasyn pysyqtap, ony basqa memlekettik organdarmen kelisýdi tapsyrdy, sondaı-aq derekter bazasyn jańǵyrtý kezinde aqparatty 100% qorǵaýdy qamtamasyz etý qajettigin atap ótti.
Sonymen qatar otyrysta aýyl sharýashylyǵy janýarlaryn tirkeýge jáne veterınarııalyq-profılaktıkalyq is-sharalardyń jyl saıynǵy tizimdemesin júrgizýge múmkindik beretin «VET-Mobile» mobıldi qosymshasyn engizý máselesi qaraldy. Aýyl sharýashylyǵy mınıstri Erbol Qarashókeevtyń habarlaýynsha, bul qosymsha veterınar dárigerlerdiń jumysyn edáýir jeńildetýge múmkindik beredi jáne ol ınternetsiz jumys isteı alady, bul shalǵaıdaǵy eldi mekender úshin asa mańyzdy.
Qazaqstan ónerpazdary «Teatr barysyn» anyqtaıdy
Sport • Búgin, 12:08
Nurbah Rústemov qyzmetinen bosatyldy
Qoǵam • Búgin, 11:51
Kım Chen Yn taq muragerin tańdady
Álem • Búgin, 11:47
Qazaqstannyń Rýmynııa jáne Slovenııadaǵy elshileri taǵaıyndaldy
Taǵaıyndaý • Búgin, 11:45
Elordadaǵy Beısekova kóshesi erteńnen bastap jabylady
Qoǵam • Búgin, 11:33
Iýta shtaty jasóspirimderdiń áleýmettik jelige kirýine shekteý qoıdy
Álem • Búgin, 11:22
Uqsas jańalyqtar
