«Meniń tapsyrmammen ınvestısııalyq jobalardyń biryńǵaı júıesi ázirlendi. Alaıda bıyl jospardaǵy 284 ınvestısııalyq jobanyń 43-i ǵana júzege asyrylǵan. Iаǵnı, nebári 15 paıyzy iske qosylǵan. Munyń bárine qur sıfr retinde qaraýǵa bolmaıdy. О́ıtkeni sonyń kesirinen kóptegen jumys orny ashylmaı qaldy», dedi Memleket basshysy.
Saldarynan el ekonomıkasy mıllıardtaǵan teńge qarjydan qaǵylǵan. Prezıdent bul máselede Syrtqy ister mınıstrligi shetelden ınvestor tartý úshin tıimdi jumys atqaryp jatqanyn atap ótti.
«Elshiler shetelderde túrli kezdesý ótkizip, elimizge ınvestorlardy jetelep ákeledi deýge bolady. Biraq jobany júzege asyratyn kezde jergilikti jerde túrli másele týyndaıdy. Bir sózben aıtsaq, biz daıyn ınvestorlardan aıyrylyp qalyp jatyrmyz. Taǵy da qaıtalap aıtamyn, ınvestısııalyq jobalardy júzege asyrýǵa jaǵdaı jasaý ıaǵnı, jer bólý, ruqsatnama berý, ınfraqurylymmen qamtý – ákimderdiń mindeti. Árıne, ortalyqqa da ózgeris jasaý kerek. Osyǵan qatysty birqatar usynys bar ekenin bilemin. Premer-Mınıstr Ekonomıkalyq saıasat jónindegi keńeste bárin qaıtadan talqylap, ózara kelisilgen sheshimdi maǵan engizýi qajet», dedi Prezıdent.
