«Rıdderdegi JEO-da alty qazandyq bar, onyń úsheýi ortasha, ekeýi joǵary qysymdy. Onyń ústine osy alty qazandyqtyń ekeýi joǵary qysymdy metall synyqtary kúıinde bolǵan, olarda kabel men sym múldem joq. Qalǵan tórt qazandyq, ókinishke qaraı, eń nashar jaǵdaıda boldy», dedi Danıal Ahmetov Úkimettiń keńeıtilgen otyrysynda.
Ol kúrdeli sharalar qolǵa alynǵanyn, sonymen qatar jumysqa 150-den astam qyzmetker tartylǵanyn aıtty.
«Búginde jaǵdaı turaqtandy, onyń ústine men aıtqan eki qazandyqtyń ishinde tórtinshi joǵary qysymdy qazandyq iske qosyldy, besinshisinde jumysty jalǵastyryp jatyrmyz, ol iske qosylady. Bir aptadan keıin paıdalanýǵa beriledi. Rıdder qalasyn jylýmen qamtamasyz etetinimizdi naqty bilemiz», dep qosty Ahmetov.
