«ASTANA Iýtarııa ltd» óndiristik ınnovasııalyq kompanııanyń alańynda uıymdastyrylǵan is-sharaǵa memlekettik organdardyń, QazTextileIndustry jeńil ónerkásip kásiporyndary ulttyq birlestiginiń, sondaı-aq óndiristik kompanııalardyń ókilderi jáne mektep oqýshylarynyń ata-analary jınaldy.
IIDM Indýstrııalyq damý komıtetiniń tóraǵasy Ilııas Ospanovtyń aıtýynsha, qazir elimizdegi mektep oqýshylaryn otandyq ónimmen qamtamasyz etý – basty maqsattardyń biri sanalady.
«Qazir elimizde kıim óndirisi salasynda 800-den astam kásiporyn jumys istep keledi. Kóbinese otandyq kıim naryǵy negizinen qadaǵalanatyn satyp alýlar men memlekettik tapsyrys qajettilikterine baǵyttalǵan. 2021 jyldyń qorytyndysy boıynsha kıim óndirisiniń kólemi 54,4 mlrd teńgege jetip, naqty kólem ındeksi 102,3% deńgeıinde baıqaldy. Bul rette 38 tigin kásipornynda mektep formasyn óndirýge arnalǵan ındýstrııalyq sertıfıkat bar ekenin aıta keteıik», dedi I.Ospanov.
Sonymen qatar komıtet tóraǵasy qazir «Áleýmettik ámııan» platformasy arqyly ata-analarǵa belgili bir dúkenderde mektep formasyn satyp alý úshin vaýcher berý máselesi pysyqtalyp jatqanyn jetkizdi. Budan bólek otandyq taýar óndirýshilerge mektep formasyn satý úshin jeńil sharttarmen saýda núktelerin usyný qarastyrylyp jatyr. Osyǵan baılanysty vedomstvo ókilderi otandyq taýar óndirýshilerdiń tizimin qalyptastyrý qajet ekenin aıtty. Onyń basty talaptardyń biri – óndirýshilerdiń kıim óndirý prosesi ulttyq standarttarǵa sáıkes bolýy tıis.
Aldaǵy ýaqytta mundaı kezdesýler jalǵasyn taýyp, osy arqyly barlyq taraptyń suranysyna saı keletin mektep formasynyń úlgisin naqtylaý kózdelgen.
