Onyń aıtýynsha, jańa jyldyq merekeler qarsańynda elimizde «Pırotehnıka» jedel-aldyn alý is-sharasy ótkiziledi. Onyń maqsaty - bazarlarda sertıfıkattalmaǵan pırotehnıkalyq buıymdardy satý faktilerin anyqtaý jáne olardyń jolyn kesý.
«26 jeltoqsanda respýblıka boıynsha qurylǵan mobıldi toptar bazarlardy, dúkenderdi jáne basqa saýda oryndaryn, sondaı-aq pırotehnıkalyq buıymdardy tasymaldaýdyń zańdylyǵyn tekserý boıynsha 400-ge jýyq reıdtik is-sharalar ótkizdi. Nátıjesinde QR ÁQBtK-niń 196-baby boıynsha «Taýarlarmen nemese ózge de zattarmen zańsyz saýda jasaý» boıynsha pırotehnıkalyq buıymdardy zańsyz ótkizýdiń 75 faktisi anyqtaldy. Baptyń sanksııasynda 25 AEK nemese 76 575 teńge mólsherinde aıyppul qarastyrylǵan. Buzýshylardan 1850 danadan astam sertıfıkattalmaǵan pırotehnıkalyq ónim tárkilendi», dedi Ámirjan Baıǵoshev.
Máselen, elordalyq saýda úıleriniń biriniń irgeles aýmaǵynda pırotehnıkalyq buıymdardy zańsyz satý faktisi anyqtalyp, 97 dana zańsyz ónim tárkilendi. Satýshyǵa qatysty 196-bap boıynsha ákimshilik hattama jasalyp, aıyppul salyndy.
