«Qalada avtobýstardyń jetispeýshiligine qatysty kóptegen shaǵymdar kelip túsetinin bári biledi. Osy oraıda elordada avtobýstar sany qanshalyqty artady?», dep surady máslıhat depýtaty Dınara Orazalına.
Kólik basqarmasynyń basshysy qazirgi ýaqytta qalada avtobýs tapshylyǵy baıqalatynyn rastady.
«Qalada 400 jańa avtobýs jetispeıdi. Bul baǵytta tıisti jumys júrgizilip jatyr. Kelesi jyly bul máseleni tolyq josparlap otyrmyz», dep sendirdi Jansultan Saparbaev.
Onyń aıtýynsha, kelesi jyly elordada 8 jańa baǵyt, 24 qala mańyndaǵy baǵyt paıda bolady.
«Sondaı-aq 6 jańa baǵyttaǵy esep aıyrysý tarıfteri ózgerdi. Eger buryn 248 teńge bolsa, qazir 300 teńge. Jalpy bizde 89 marshrýt bar, onyń 25-i qala mańynda júzege asyrylady», dedi Jansultan Saparbaev.
