Joldarda tótenshe jaǵdaıdy joıý boıynsha respýblıkalyq shtab quryldy. Qazir shtabtar ár óńirde jumys istep jatyr. Blok-beketterde 600 birlik avtokólik jınaldy.
Aǵymdaǵy táýlikte qutqarý bólimshelerimen 695 adam qutqarylyp, evakýasııalandy. Onyń ishinde 137 bala (Jambyl, Túrkistan, Qostanaı, Qaraǵandy jáne Abaı), 146 birlik tehnıka qar qursaýynan shyǵaryldy.
Turǵyndardy evakýasııalaý úshin tasjoldardyń jabyq ýchaskelerinde 846 ýaqytsha jylytý pýnktteri daıyndaldy. Sondaı-aq 99 birlik tehnıka (Vahtovka jáne Kýng) daıyn tur.
Ýaqytsha jylytý pýnktterinde 171 adam, onyń 4-i bala (Jambyl oblysy, Abaı oblysy, Aqmola, Qostanaı, Pavlodar).
«Halyqty eskertý maqsatynda aýa raıynyń nasharlaýy týraly 232 SMS-habarlama jiberildi. Sondaı-aq «Darmen» mobıldik qosymshasy arqyly 94 habarlama jiberildi. Avarııalyq-qutqarý jumystaryna barlyǵy 1000-nan asa adam jáne 600-ge jýyq TJM, JAO jáne IIM tehnıkasy jumyldyryldy. Jol qyzmetteri joldy tazartý jumystaryn jalǵastyryp jatyr», delingen mınıstrlik habarlamasynda.
