Sońǵy kúnderi elordada qardyń kóp túsýine baılanysty «Astana jastary» KMM eriktileri jalǵyzbasty qart adamdardyń aýlalaryn qardan tazartty.
«Osyndaı jyly lebiz bildirý arqyly biz bir-birimizben tájirıbe almasamyz, kóptegen adamdarmen tanysyp, ıgi is jasaýǵa tyrysamyz. Qorshaǵan orta osylaı qalyptasady. Máselen, men múldem beıtanys adamdardan alǵys alǵan kezde ózimdi paıdaly sezinemin. Bul sezimdi sózben aıtyp jetkizý múmkin emes», deıdi erikti Mereı Qalel.
Zeınetkerler óz kezeginde stýdentterge jáne Astana ákimdigine alǵystaryn bildirdi.
«Maǵan kóp kómektesken jastarǵa rızamyn. Sebebi maǵan aýlany qardan tazartý qıyn. Eriktilerge alǵys aıtamyn jáne olarǵa zor densaýlyq tileımin», dedi zeınetker Roza Sádýaqasova.
Aıta ketsek, bul aksııa qystyń sońyna deıin jalǵasady.
