Elorda • 06 Qańtar, 2023

Elordadan 53 myń tekshe metrden astam qar shyǵaryldy

320 ret

kórsetildi

1 mın

oqý úshin

Elordada 2023 jyldyń alǵashqy kúnderi qalyń qarmen bastaldy. «Qazgıdromet» RMK derekteri boıynsha 5 qańtardan 6 qańtarǵa qaraǵan túni jaýyn-shashyn mólsheri 5,2 mm qurady, bul alǵashqy kúnnen alty ese kóp. Osyǵan baılanysty qalanyń kommýnaldyq qyzmetteri táýlik boıy kúsheıtilgen rejımde jumys isteıdi, dep habarlaıdy Egemen.kz Astana ákimdiginiń resmı saıtyna silteme jasap.

Botakóz BAQBERGEN

Elordadan 53 myń tekshe metrden astam qar shyǵaryldy

5 qańtardan 6 qańtarǵa qaraǵan túni qaladan 53 myń tekshe metrden astam qar shyǵaryldy, bul – 3 661 júk kóligine teń.

Búginde elorda boıynsha qar kúreý jumysyna eki myńnan astam jol jumysshysy men 1,3 myńnan astam arnaıy tehnıka jumyldyryldy.

Eń aldymen joldarda keptelis bolmas úshin qozǵalysy óte qarqyndy aımaqtar tazartylady. Sondaı-aq qarqyny ortasha ýchaskeler, atap aıtqanda alańdar, vokzal mańy aýmaqtary, trotýarlar, áleýmettik nysandarǵa kirme joldar tazartylady.

Aıta ketsek, 6 qańtarǵa qaraǵan túni «Qazgıdromet» RMK derekteri boıynsha, jaýyn-shashyn mólsheri 5,2 mm, al qardyń bıiktigi – 39 sm qurady. 2023 jylǵy 1 qańtarmen salystyrǵanda (0,8 mm) jaýyn-shashyn mólsheri alty ese ósken.

Qys mezgili bastalǵaly beri kommýnaldyq qyzmetter qaladan 1,4 mıllıon tekshe metrden astam qar shyǵardy, bul 113 myńnan astam júk kóligine teń.