Kezdesý barysynda Shveısarııa tarapynyń dıplomatııalyq jáne qyzmettik pasporttardyń ıelerin vızalyq talaptardan ózara bosatý týraly jáne dıplomatııalyq ókildikter, halyqaralyq uıymdar janyndaǵy turaqty ókildikter jáne konsýldyq mekemeler qyzmetkerleriniń otbasy músheleriniń aqyly eńbek qyzmeti týraly eki úkimetaralyq kelisimdi ratıfıkasııalaý týraly notalaryn qabyldady.
Osylaısha, atalǵan eki qujat búginnen bastap kúshine endi. Sonyń arqasynda eki eldiń dıplomatııalyq jáne qyzmettik pasporttarynyń ıeleri vızasyz (30 kúnge deıin) ózara saparlar jasaı alady, al dıplomatııalyq ókildikter qyzmetkerleriniń otbasy músheleri eki elde de aqyly eńbek qyzmetimen aınalysýǵa quqyly.
Suhbattastar atalǵan kelisimder eki memleket arasyndaǵy tyǵyz jáne ózara tıimdi saıası, saýda-ekonomıkalyq jáne ınvestısııalyq yntymaqtastyqty odan ári keńeıtýge, Shveısarııada ornalasqan kóptegen halyqaralyq uıymdardyń jumysyna Qazaqstan ókilderiniń neǵurlym belsendi qatysýyna, sondaı-aq dıplomatııalyq ókildikter qyzmetkerleriniń otbasy músheleriniń taraptar aýmaǵynda bolýy úshin neǵurlym qolaıly jaǵdaılar jasaýǵa yqpal etetinine ortaq úmit bildirdi.
Kezdesý barysynda dıplomattar Qazaqstan-Shveısarııa yntymaqtastyǵynyń jaı-kúıi men damý perspektıvalaryn talqylady. R. Vasılenko barlyq negizgi baǵyttar boıynsha ekijaqty áriptestiktiń serpindi jáne údemeli damýyn atap ótti. Sondaı-aq el Prezıdenti Qasym-Jomart Toqaevtyń bastamasymen júrgizilip jatqan Qazaqstandaǵy saıası jáne áleýmettik-ekonomıkalyq reformalar týraly habardar etti.
Suhbat sońynda taraptar ekijaqty jáne kópjaqty formattaǵy ózara is-qımyldy belsendi túrde qoldaýǵa kelisti.
