«2022 jyldyń 10 aıynyń qorytyndysy boıynsha Qazaqstannyń syrtqy taýar aınalymy ótken jyldyń sáıkes kezeńimen salystyrǵanda 34,1%-ǵa ulǵaıyp, 110,6 mlrd dollardy qurady», dedi Serik Jumanǵarın.
Mınıstr Eýrazııalyq ekonomıkalyq odaq aıasyndaǵy taýar aınalymy 23 mlrd AQSh dollaryn quraǵanyn habarlady.
«Bul 2021 jyldyń sáıkes kezeńimen salystyrǵanda 7,5%-ǵa kóp. Sondaı-aq kedendik ákelý bajdarynyń somasyn bólmeý múmkindigi maquldandy. Onyń arqasynda únemdeý boljamy 100 mıllıon dollardan asty, eksporttyq ósý boljamy - 500 mln dollar. Bir jyl ishinde seriktes eldermen 6 joba iske asyryldy», dep tolyqtyrdy Serik Jumanǵarın.
