О́tken jyly Qazaqstan qylmystyq sot tóreligi deńgeıi boıynsha elder reıtınginde álem boıynsha 62-shi oryndy ıelendi. Bul - reıtıngke qatysatyn barlyq TMD elderi arasynda eń jaqsy kórsetkish. Aıta ketsek, reıtıngte barlyǵy 140 oryn bar.
О́zbekstan - 65-shi, Belarýs - 76-shy, Moldova - 85-shi, Ýkraına - 93-shi, Qyrǵyzstan - 114-shi, Reseı - 123-shi orynda.
Eýropa elderi boıynsha Norvegııa, Fınlıandııa jáne Danııa reıtıngte kósh bastady, úzdik tórttikke Venesýela kirdi.
Finprom derekterine qaraǵanda, 2022 jylǵy qańtar-qarasha aılarynyń qorytyndysy boıynsha Qazaqstanda 149,4 myń qylmystyq quqyq buzýshylyq tirkeldi, bul ótken jyldyń sáıkes kezeńimen birdeı. Atap aıtqanda, 63,6 myń jaǵdaı - aýyrlyǵy ortasha, 41,4 myń - aýyr, 21,9 myń - aýyrlyǵy az, 2,1 myń jaǵdaı - asa aýyr. Taǵy 20,4 myń jaǵdaı teris qylyqtarǵa jatqyzyldy.
О́ńirlik bóliniste qylmystyq quqyq buzýshylyqtardyń basym bóligi Almatyda tirkeldi (32,9 myń jaǵdaı). Bul bir jyl burynǵyǵa qaraǵanda birden 29,4%-ǵa artyq. Antılıderlerdiń úshtigine Astana (15,9 myń jaǵdaı, plıýs 5,1%) jáne Almaty oblysy (11,9 myń jaǵdaı, mınýs 13%) kirdi.
Eń az quqyq buzýshylyq jańadan qurylǵan óńirlerde — Ulytaý, Jetisý jáne Abaı oblystarynda tirkeldi.
Eń kóp qylmystyq quqyq buzýshylyq, ıaǵnı 114,3 myń jaǵdaı múlikke qarsy quqyq buzýshylyq salasynda tirkelgen.
