Aldaǵy 10 jylda kúre joldardy salý jáne kútip ustaý sapasyn arttyrý jóninde tıisti sharalar qabyldaý josparlanyp otyr. Olardyń qatarynda jol jobalarynyń barlyǵyna FIDIC halyqaralyq standarttaryn engizý, tehnıkalyq qujattamany kelisý prosesin jetildirý, jobalaý jáne merdigerlik uıymdardyń jaýapkershiligin arttyrý, avtomattandyrylǵan baqylaý júıelerin biryńǵaı IT-júıege ıntegrasııalaý, qajetti jol-paıdalaný tehnıkasy men jabdyqtaryn satyp alý bar.
Nátıjesinde jaqsy jáne qanaǵattanarlyq jaǵdaıdaǵy respýblıkalyq mańyzy bar avtojoldardyń úlesin 100%-ǵa deıin jetkizý, sondaı-aq jergilikti joldardyń jaǵdaıyn jaqsartý úshin óńirlerdi tıisti jumyspen tolyq qamtýdy júzege asyrý josparlanyp jatyr.
Shyǵaryndylardy azaıtý jáne ekologııaǵa zııany joq kólikti paıdalanýdy yntalandyrý maqsatynda elektrmobılderdi qýattaý stansııalarynyń júıesi damıdy.
Sonymen qatar úzdik halyqaralyq standarttarǵa jaýap beretin jáne joǵary jyldamdyqpen júrýge ruqsat etilgen jańa aqyly ýchaskelerdi engizý jalǵasady. Bul rette kólik qozǵalysy neǵurlym kóp baǵyttarǵa basymdyq beriledi. Bul Qytaıdan jáne Ortalyq Azııa elderinen Eýropaǵa júkterdi tasymaldaý boıynsha Qazaqstannyń tranzıttik múmkindikterin keńeıtýge múmkindik beredi.
Jol boıyndaǵy ınfraqurylym men qyzmet kórsetý salasyn da damytýǵa nazar aýdarylady. Bul baǵytta bıznes júrgizý úshin qolaıly jaǵdaı jasaý, ınvestorlardy tartý, qyzmet kórsetý jáne jańa obektiler (demalýǵa arnalǵan alańdar, modýldik úlgidegi abattandyrylǵan sanıtarlyq-gıgıenalyq toraptar jáne t.b.) salý kezinde halyqaralyq standarttardy engizý jóninde sharalar qabyldanady.
Karavanıng jáne TIR-parkıng alańdaryn ornatýǵa, sondaı-aq ınklıýzıvtilik, erekshe qajettilikteri bar adamdardyń suranystaryn qanaǵattandyrý, ana men balany qorǵaý máselelerine erekshe nazar aýdarý josparlanyp otyr.
Memleket basshysynyń tapsyrmasyna sáıkes «QazAvtoJol» UK» AQ men «Qazaqavtojol» JShS birlestigi boıynsha jumys jalǵasady, nátıjesinde respýblıkalyq mańyzy bar avtomobıl joldaryn basqarý jónindegi biryńǵaı avtojol kompanııasy qurylady.
Qazirgi ýaqytta Qazaqstanda paıdalanylatyn avtojoldar jelisi 96 myń shaqyrymdy quraıdy, onyń ishinde respýblıkalyq jeli – 24,9 myń shaqyrym, jergilikti jeli – 71 myń shaqyrym. Normatıvtik jaǵdaıdaǵy respýblıkalyq mańyzy bar joldardyń úlesi – 90% (22,5 myń km). Respýblıkalyq mańyzy bar avtojoldardyń jalpy uzyndyǵynyń 12 786 shaqyrymy (52%) – jaqsy jaǵdaıda, 9 564 shaqyrymy (38%) – qanaǵattanarlyq jaǵdaıda jáne 2 584 shaqyrym joldyń (10%) sapasy nashar.
