Astana kósheleriniń birine Asqar Zabıkýlınniń esimi beriledi

Komıssııanyń qaraýyna memlekettik organdardan barlyǵy 15 usynys kelip túsken. Onyń ishinde Jambyl oblysy ákimdiginiń Sarysý aýdandyq mádenıet úıine aqyn Maıkót Sandybaıulynyń esimin berý týraly usynysy qoldaý tapty.

Sonymen qatar, Astana qalasy ákimdiginiń usynysyna sáıkes elordada jańadan qurylǵan aýdanǵa «Nura» ataýy, birqatar kósheler jáne alańdarǵa ataý berý týraly usynystaryna oń qorytyndy berildi. Olar:

1. Birikken Ulttar Uıymy alańy;

2. Ál-Farabı dańǵyly;

3. Geıdar Alıev kóshesi;

4. Asqar Zabıkýlın kóshesi;

5. Ásken Nábıev kóshesi;

6. Syrbaı Máýlenov kóshesi;

7. Mánshúk Mámetova kóshesi;

8. Shapyq Shókın kóshesi;

9. Sanjar Asfendııarov kóshesi;

10. Berdibek Soqpaqbaev kóshesi;

11. Beıbarys Sultan kóshesi;

12. Maǵjan Jumabaev dańǵyly;

13. Qaramergen kóshesi.

Aıta ketsek, komıssııa erlikpen qaza tapqan órtsóndirýshi Asqar Zabıkýlınniń esimin Astana qalasy Esil aýdanyndaǵy E-583 kóshesine berý týraly sheshim qabyldady.

«Esimi el tarıhynda máńgi saqtalǵan tulǵalardyń nasıhattalýy – mindetti qubylys. Onomastıka salasynda atqaratyn jumys kóp, barlyǵy ýaqyt sheńberinde júzege asady degen senimdemiz», dedi Mádenıet jáne sport vıse-mınıstri Nurǵısa Dáýeshov.

Jaqyn arada komıssııanyń qorytyndysy daıyndalyp, zańnamaǵa sáıkes jumystardy júrgizý úshin ýákiletti memlekettik organdarǵa jiberiledi.