Komıssııanyń qazaqstandyq bóliginiń teń tóraǵasy – QR Ulttyq ekonomıka mınıstri Álibek Qýantyrov, al Majarstan tarapynan – Majarstannyń Qarjy mınıstri Mıhaı Varga.
«Komıssııa otyrysy sheńberinde Qazaqstan-Majarstan Iskerlik keńesiniń otyrysyn ótkizý, birqatar vedomstvoaralyq qujattarǵa qol qoıý josparlanýda, olardyń ishinde Qazaqstan Respýblıkasynyń Energetıka mınıstrligi men Majarstannyń Mádenıet jáne ınnovasııalar mınıstrligi arasynda atom energııasyn beıbit maqsatta paıdalaný salasynda kadrlardy daıarlaý jáne oqytý jónindegi ózara túsinistik týraly memorandýmǵa qol qoıylady», dep jazylǵan habarlamada.
Sonymen qatar, taraptar Stipendium Hungaricum majar stıpendııalyq baǵdarlamasy aıasyndaǵy yntymaqtastyqty talqylaıdy. Osy baǵdarlama sheńberinde majar tarapy 250 grant bóledi (110 – bakalavrıat, 90 – magıstratýra, 30 – bakalavrıat + magıstratýra jáne 20 – doktorantýra granttary).
