Prezıdent • 24 Qańtar, 2023

Prezıdent birqatar memlekettiń elshilerinen senim gramotalaryn qabyldady

56 ret kórsetildi

«Aqorda» rezıdensııasynda tórt eldiń tótenshe jáne ókiletti elshileriniń Memleket basshysyna senim gramotalaryn tapsyrý rásimi ótti, dep habarlaıdy Egemen.kz Aqordaǵa silteme jasap.

Senim gramotalaryn Shvesııa Koroldiginiń elshisi Eva Ýlrıka Pýlano, Grýzııanyń elshisi Nıkoloz Lalıashvılı, Mıanma Odaǵy Respýblıkasynyń elshisi Lvın Ý jáne Kıpr Respýblıkasynyń elshisi Kıpros Iorgallıs tapsyrdy.

Qasym-Jomart Toqaev elshilerdi Qazaqstandaǵy dıplomatııalyq mıssııasynyń resmı túrde bastalýymen quttyqtap, ekijaqty baılanystardy odan ári nyǵaıtý jumystaryna tabys tiledi.

Memleket basshysy Qazaqstannyń dostyq jáne ózara tıimdi qarym-qatynastardy nyǵaıtýǵa baǵyttalǵan beıbit ári ashyq syrtqy saıasat júrgizip otyrǵanyn aıtty. Memleket basshysy dıplomattardyń ıgi mıssııalaryn oryndaýy kezinde Qazaqstan Úkimeti tarapynan jan-jaqty qoldaý kórsetiletinin atap ótti.

Rásim sońynda Qasym-Jomart Toqaev elshilerge tabys tilep, olardyń memleketteriniń basshylaryna izgi tilegi men sálemin joldady.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar