Otandyq ónimder – Alibaba alańynda

Bıyl «Eksporttyq akselerasııa» baǵdar­la­masy aıasynda eksporttyq áleýeti joǵary 110 qazaqstandyq kompanııa iriktel­mek. Bıznes ókilderiniń ótinimderi 2023 jylǵy 23 qańtardan bastap qabyldana bastaıdy. «QazTrade» saýda saıasatyn damytý ortalyǵy bas dırektorynyń orynbasary Ásel Egemberdıevanyń aıtýynsha, qaty­sý­shy­lardy «eksportqa jańadan kelgender» jáne «belsendiler» dep eki topqa bólý kózdelip otyr.

– «Jańadan kelgenderge» eksportqa shyǵýǵa daıyndyq úshin oqytý sheberlik synyptary ótkiziledi, qadamdyq nusqaýlyqtar men usynymdar ázirlenedi. Sondaı-aq tájirıbeli mamandar óz bıznesine dıagnos­tıka jasaıdy jáne taýar óndirýshilerge eń tıimdi ótkizý naryǵyn usynady. Dástúrli túrde kásipkerler úshin qazaqstandyq eksporttaýshylardy qoldaıtyn halyqaralyq konsýltanttarmen, memlekettik vedomstvolarmen kezdesýler uıymdastyrylady, – deıdi Ásel Egemberdıeva.

О́z kezeginde jumys istep turǵan eks­port­taýshy kompanııalar belsendi V2V kelissózderge qatysa alady, sonyń ishinde olardy júrgizý erejelerin úırenedi. Jyl boıy kásipkerler QazTrade sarapshylary men halyqaralyq taldaýshylardyń súıemeldeýimen isker seriktestermen kezdesedi.

2023 jyly Qazaqstanda shyǵarylǵan taýarlar úshin basym naryqtardyń tizbesi aıtarlyqtaı keńeıdi. Reseı, Qytaı, О́zbek­stan, Ázerbaıjan sııaqty qazaqstandyq eksportqa arnalǵan dástúrli elderden basqa otandyq taýar óndirýshilerge Túrkııa, Saýd Arabııasy, Birikken Arab Ámirlikteri jáne Vetnam naryqtary usynylatyn bolady.

Otandyq óndirýshiler Alibaba halyq­aralyq saýda alańy arqyly da jańa na­ryq­tardy ıgerýde tegin kómek ala alady. Eksporttaýshylardy qoldaý sharalary retinde 70 otandyq kompanııaǵa osy platformada 1 jyl merzimge «Gold Supplier» mártebesi bar akkaýnt beriledi. Arnaıy ónim berýshiniń mártebesi kásipkerlerge jahandyq aýdıtorııaǵa qol jetkizýge jáne taýarlardyń shetelde tanylýyn arttyrýǵa múmkindik syılaıdy.

«Eksporttaýshylardy servıstik qoldaý sheńberinde 10 elde saýda-ekonomıkalyq mıssııasyn ótkizý, biryńǵaı ulttyq stend for­matynda halyqaralyq kórmelerde eks­port­tyq áleýetti tanystyrý jospar­lan­ǵan. Is-sharanyń negizgi maqsaty – qazaqstandyq kásiporyndar men áleýetti ımporttaýshylar, treıderler men dıstrıbıýtorlar arasynda tikeleı baılanys ornatý jáne saýda qatynastaryn jandandyrý», dep málimdedi mınıstrlik.

2022 jyldyń qorytyndysy boıynsha QazTrade baǵdarlamalaryna qatysýshylar 700 mln dollardan astam somaǵa taýarlar men qyzmetterdi jetkizýge uzaq merzimdi keli­sim­sharttar jasasty. Olardyń ónimderi búginde Reseı, Qytaı jáne Ortalyq Azııa, Taıaý Shyǵys elderiniń naryqtaryna sátti eksporttalyp jatyr.