Negizsiz tólem surap, jazaǵa tartyldy

Máseleniń mán-jaıy bylaı eken. «Qamqor-tutyný» JShS Aral aýdanyndaǵy mekteptermen balalarǵa ystyq tamaq berý qyzmetin kór­setýge kelisimshart ja­saıdy. Alaıda ótken jyl­dyń 15 qyrkúıeginde bir mektep basshysy seriktestik dırektory Zıaǵaladın О́te­novke hat joldap, as mázirin kundelik.kz saıtyna ornalastyrý úshin aı saıyn 6 myń teńge tóleýdi eskertedi. Aýdandaǵy ózge de mektep basshylarynyń talaby osyndaı bolypty. Amaly qalmaǵan kásipker 6 mektepke 1 aıǵa suraǵan aqshalaryn tóleıdi de Kásip­ker­ler palatasynyń Aral aýdandyq fılıalynan quqy­ǵyn qorǵaýdy suraıdy.

Aýdandyq fılıal dırektory Nursáýle Embergenova mektep basshylarynyń áreke­tine quqyqtyq baǵa berý úshin aýdandyq pro­ký­ra­týraǵa hat joldaıdy. Máseleden habardar bol­ǵan kásipkerler palata­sy­nyń zańgerleri ony jan-jaqty zerdelep, palata janyndaǵy kásipkerlerdiń quqyǵyn qorǵaý jáne sybaılas jemqorlyqqa qarsy is-qımyl jónindegi keńeste qaraýǵa sheshim qabyldapty.

– Otyrysqa kásipker onlaın qatysty. Keńes qu­ra­myn­daǵy quqyq qorǵaý or­gan­darynyń da ókil­deri biraýyzdan mektep bas­shy­larynyń áreketi zań­syz ekenin aıtty. Oblys­tyq pro­kýratýra ókili kásip­ker­­diń bul shaǵymynyń negi­zin­de aýdandaǵy ózge de mektep­terdegi jaǵdaıǵa taldaý ja­saı­tynyn jetkizdi, – deı­di kásipkerler palatasy dırek­torynyń orynbasary Salavat Qulmahan.

Jaqynda kásipkerler palatasyna Aral aýdanynyń prokýrory Madııar Bek­pa­nov­tan hat kelip, onda mek­tep basshylarynyń MektepMenu platformasyn paı­da­laný úshin ká­sipkerlik sýbektilerine ne­gizsiz tólem jasatqany anyq­talǵany ja­zylǵan. Osyǵan baıla­nysty aýdan­dyq bilim bó­limine usy­nys berilip, ashana ıe­leriniń negizsiz tólengen 500 myń teńgege jýyq aq­shasy qaıtarylyp, 8 kásip­ker­diń buzylǵan quqy­ǵy qalpyna keltirilgen. Zań buzý­shylyqqa jol bergen bilim salasynyń 43 ókiline tár­tiptik shara qoldanyldy.

Qyzylorda