Jetisýda qazirgi epıdemııalyq maýsymda jiti respıratorlyq vırýsty ınfeksııanyń 26 774 jaǵdaıy tirkelgen. Byltyrmen salystyrǵanda syrqattanýshylyq – 24 paıyzǵa joǵary. Sonyń ishinde 14 jasqa deıingi balalardyń úles salmaǵy 60 paıyzdy qurap otyr. Muny Jetisý oblysynyń sanıtarııalyq-epıdemıologııalyq baqylaý departamenti basshysynyń orynbasary Ashat Charapıev aıtty.
Jalpy, oblysta turǵyndardy tumaýǵa qarsy vaksınamen ımmýndaý jumystary óz máresine jetti. Jergilikti bıýdjet esebinen 92 913 adamdy vaksınalaý josparlanyp, onyń ishinde 14 jasqa deıingi balalardyń 24,8 paıyzy, eresekterdiń 75,1 paıyzy qamtylǵan. Osylaısha, óńir halqynyń 13,7 paıyzy ımmýndaýdan ótti. Dese de óńirde zerthanalyq rastalǵan tumaý juqpasynyń 331 jaǵdaıy, byltyrǵy epıdemııalyq kezeńdegi tumaýdyń 20 jaǵdaıy tirkelip otyr.«Tumaýǵa qarsy aqysyz ımmýndaýmen uıymdasqan jabyq mekemelerdiń kontıngenti jıi aýyratyn ımmýnıteti tómen balalar men sozylmaly aýrýlary bar eresek adamdar medısınalyq qyzmetkerler men ekinshi, úshinshi trımestrdegi júkti áıelder qamtyldy», deıdi A.Sákenuly.
Mamandardyń aıtýynsha, tumaýǵa qarsy arnaıy ımmýndaýdan basqa tumaý jáne jiti respıratorlyq vırýstyq juqpanyń joǵarylaý kezeńinde aldyn alý sharalaryn da esten shyǵarmaǵan abzal. Qazirgi ýaqytta syrqatty jedel jáne josparly túrde aldyn alý úshin dárilik zattardyń túrleri keńinen taralǵan. Sondyqtan dárigerlermen keńesip, aýyrmaýdyń amalyn izdegen durys.
Tumaýdyń aldyn alýdyń eń qolaıly, qoljetimdi túri – tynys alý joldaryn qorǵaý úshin qoldanylatyn maska. Osy kezeńde jiti respıratorlyq vırýstyq juqpanyń jáne tumaýdyń aldyn alý úshin múmkindiginshe halyq tyǵyz ornalasqan jerlerge barmaý qajet. Ásirese balalar úshin juqpa kózi múmkin bolatyn qarym-qatynasty shektegen abzal.
Jalpy, óńirdegi KVI boıynsha epıdemııalyq ahýal turaqty. 2022 jyldyń 8 maýsymynan beri 2 731 jaǵdaı tirkelgen. Epıdemııalyq jaǵdaıdy baǵalaý matrısasynda oblys – «jasyl aımaqta».
«Tumaýdyń aldyn alýda jeke bas gıgıenasyn saqtaýdyń da paıdasy mol. Qoldy sabynmen jıi jýý qajet. Túshkirgen jáne jótelgen kezde aýyzdy nemese muryndy bet oramalmen jabý kerek. Barlyq múmkindikti múlt jibermeı ýaqytynda emhanaǵa qaralyp, juqpaly aýrýlardyń aldyn alǵanyńyz jón. Emdelgennen góri aldyn alý anaǵurlym jeńilirek ekenin esten shyǵarmańyz!», dep eskertti A.Sákenuly.
Jetisý oblysy
Koreıada ustalǵan ekinshi qazaqstandyq 15 jylǵa sottalýy múmkin
Qoǵam • Búgin, 14:11
Shyǵys óńirinde Ulttyq ulannyń bas áskerı tárbıeshisi taǵaıyndaldy
Aımaqtar • Búgin, 14:06
Almatyda depýtattyq korpýs 66,7% jańartyldy
Aımaqtar • Búgin, 13:48
TikTok-ta Naýryz merekesi týraly beınerolıkter 120 mln ret qaraldy
Qoǵam • Búgin, 13:34
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Uqsas jańalyqtar
