Balamaly jazylym júrgiziledi

Bizdiń negizgi problemamyz – gazetke jazylýshylar sanynyń azdyǵy. Bul prob­lema tek bizdiń gazettiń ǵana emes, barlyq basylymdardyń negizgi máselesi dep bilemiz. Kezinde 3 myń tırajy bar basylymnyń búginde taralymy 1 500-ge deıin tómendedi. Aýdanda 29 myń turǵyn bar desek, bul – óte az kórsetkish.

Buǵan gazetti halyqqa taratý máselesindegi olqylyqtardyń bolýy sebep. О́ıtkeni turǵyndar tarapynan «Qazposhtaǵa» aıtylatyn syn kóp. Máselen, gazettiń ýaqtyly oqyrmanǵa jetpeýi saldarynan tıraj túsip ketti. Sondyqtan bıyldan bastap gazetke balamaly jazylymdy qolǵa aldyq. Bul rette redaksııa qyzmetkerleri oqyrmandardy gazetke jazylýǵa ózderi tartyp, jazylý naýqanyn oıdaǵydaı uıymdastyrdy. Biraq bul qyzmetkerlerge qosymsha júk bolyp otyrǵany jasyryn emes.

Sondaı-aq redaksııadaǵy taǵy bir problema – jarnamanyń azdyǵy. Arnaıy jospar jasaqtalyp, túıtkildiń túıinin tarqatý jumysy júrgizilip jatyr. Dese de búginde turǵyndar áleýmettik jeliniń damyǵan zamanynda gazet arqyly jarnama jasaýǵa qulyqsyz bolyp otyrǵany – ashy shyndyq.

Buǵan qosa maman tapshylyǵy da qatty seziledi. Bul – jyldar boıy sheshilmeı kele jatqan ózekti másele. Qazir redaksııada redaktor jáne eki jýrnalıst qana aqparat taratyp júr. Osy rette jastardyń aýyldyq jerlerde jumys istegisi kelmeıtini, jalaqynyń azdyǵy da máseleni kúrdelendirip otyr. Sondyqtan «Dıplommen aýylǵa» baǵdarlamasyna jýrnalıst mamandaryn qossa jaqsy bolar edi.

Móldir IZTURǴANOVA,

«Maqat tynysy» qoǵamdyq-saıası gazetiniń bas redaktory