Senim gramotalaryn tabystaý rásiminen keıin ótken kezdesý barysynda elshi Qazaqstan Prezıdenti Qasym-Jomart Toqaevtyń jyly lebizderi men izgi tilekterin jetkizip, Astana eki el arasyndaǵy qatynastardy nyǵaıtýǵa, onyń ishinde saıası dıalogty, saýda-ekonomıkalyq, ınvestısııalyq jáne tranzıt-kóliktik baılanystardy jandandyrýǵa erekshe mán beretinin habarlady. Qazaqstandyq dıplomat suhbattasýshyny elimizde júrgizilip jatqan saıası jáne áleýmettik-ekonomıkalyq ózgeristermen tanystyrdy.
О́z kezeginde R.Radev Qazaqstan Bolgarııanyń Ortalyq Azııadaǵy eń mańyzdy jáne negizgi áriptesi ekenin, sondaı-aq elimizben ózara qyzyǵýshylyq týdyratyn salalarda yntymaqtastyqty damytýǵa daıyn ekenin habarlady. Sonymen qatar Qazaqstan elshisin resmı qyzmetke kirisýimen quttyqtap, Qazaqstan-Bolgarııa qatynastaryn nyǵaıtý jolyndaǵy jumysyna tabys tiledi.
Qalyptasqan protokoldyq praktıkaǵa sáıkes, Bolgarııa prezıdentine senim gramotalaryn tapsyrǵannan keıin elshi V.Temirbaev Sofııadaǵy «Belgisiz sarbaz» eskertkishine gúl shoqtaryn qoıdy.
