Naqty daýys beretinderdiń jalpy úlesi 39 paıyz jáne daýys berýi múmkin degender 14,3 paıyzdy qurady.
Al 34,6 paıyz respondentterdiń 11,5 paıyzy daýys bermeýdi jón kóredi. Al 23,1 paıyzy múlde daýys bergisi kelmeıdi. Beıtarap qalǵandar 12,1 paıyz.
Parlament saılaýynda daýys beretinderdiń 48,6 paıyzy «Amanat» partııasynyń kandıdattaryn qoldaýǵa nıetti. Saýalnamaǵa sáıkes, 6,2 paıyz «Aýyl», 5,4 paıyz «Aqjol» partııalaryna daýys berýi múmkin.
Basqa partııalar saılaýshylardyń qoldaýyna ıe bola almady. «Barlyǵyna qarsy» sanatyn tańdaýǵa daıyn respondentterdiń úlesi 2,6 paıyz. Daýys berýshilerdiń 22,8 paıyzy ózderiniń partııalyq qalaýlary týraly áli sheshim qabyldamaǵan.
Saılaýshylardyń kópshiligi saıası plıýralızmdi jaqtaıdy: bes nemese odan da kóp partııalardyń tómengi palatadaǵy ókildigi – 27,8 paıyz, tórt – 6,6 paıyz, úsh - 16,8 paıyz, eki-12,0 paıyz.
Saýalnamany «qoǵamdyq pikir» ǵylymı-zertteý ınstıtýty osy jyldyń 25-28 qańtary aralyǵynda ınstıtýttyń óz qarajaty esebinen júrgizgen. Saýalnamaǵa 17 oblystan jáne Astana, Almaty jáne Shymkent respýblıkalyq mańyzy bar qalalardan 18 jastan asqan 1200 respondent qatysqan.
Aıtolǵan JÚNISHAN,
L.N. Gýmılev atyndaǵy EUÝ stýdenti
