«Bul kórsetkishterge Shymkent munaı óńdeý zaýytyn kúrdeli jóndeýdi 2023 jylǵa aýystyrý arqyly qol jetkizildi. 2023 jyly barlyq úsh MО́Z-de qajetti josparly jóndeýlerdi eskere otyryp, óndiris kólemi 13,4 mln tonna deńgeıinde boljanady», dedi Bolat Aqsholaqov.
Mınıstrdiń aıtýynsha, 2022 jyly ishki naryqty munaı ónimderimen úzdiksiz qamtamasyz etý maqsatynda:
- AI-80, 92-93 jáne jazǵy dızel otynyn bólshek saýdada ótkizýge shekti baǵalardy retteý belgilendi;
- munaı ónimderin avtomobıl kóligimen áketýge tyıym salyndy;
- dızel otynynyń baǵasy birneshe ese joǵary shekara mańyndaǵy elderge baqylaýsyz áketý táýekelderin tómendetý maqsatynda dızel otynynyń baǵasy saralandy;
- munaı jáne munaı ónimderin jetkizý júıesinde ónimsiz deldaldardy boldyrmaıtyn zańnamalyq normalar qabyldandy.
Gúlshahra SANSYZBAI
