Armıan dıasporasynyń mádenı ekspozısııasy

Osy maqsatpen ótken jy­ly Armenııa Respýblıkasy elshiliginiń qoldaýymen Ere­vandaǵy Armenııa tarıhy mýzeıi jáne Almatydaǵy Qazaqstan Memlekettik ortalyq mýzeıi eki el arasyndaǵy mádenı yntymaqtastyq týraly memo­randýmǵa qol qoıǵan-dy.Me­morandým negizinde «Armıan dıasporasynyń mádenıeti» ekspozısııasyna Armenııa tarıhy mýzeıiniń zattary syıǵa tartyldy. Bul armıan halqy­nyń jarqyn mádenıeti men dástúrlerin sıpattaıtyn fragmentter – álemge áıgili hachkarlar (balbaltasqa uqsas krest tastar), turmystyq zattar men sándik-qoldanbaly óner úlgileri, erler men áıelderdiń dástúrli kostıýmderi jáne zer­gerlik buıymdar sóreden óz ornyn tapty. Zattardyń ishinde qysh qumyralar, mys qazandyq, XIX – XX ǵasyrlardaǵy salttyq naýa, úrmeli mýzykalyq aspap (dýdýk), panelder, kıim aksessýarlary jáne taǵy basqa armıan halqy úshin qasterli buıymdar bar.

Qabyldanǵan memorandýmǵa oraı aqpan aıynyń alǵashqy kúnderinde Memlekettik orta­lyq mýzeıde Qazaqstandaǵy Armenııa elshiligimen birlesken armıan mádenıeti men tarıhy ekspozısııasynyń ashylý saltanaty ótkizildi. Is-shara­nyń mańyzyn atap ótken Memle­kettik ortalyq mýzeıdiń dırektory Rashıda Harıpova: «Armenııa Respýblıkasynyń Qazaqstan Respýblıkasyndaǵy Tótenshe jáne ókiletti elshisi Armen Gevondıanǵa belsendi yntymaqtastyǵy men mýzeı jádigerlerin tasymaldaýdy uıymdastyrýǵa jáne Erevan tarıhy mýzeıiniń bizge bergen biregeı eksponatta­rymen tolyqtyrýǵa járdemdeskeni úshin rahmet aıtamyn. Sondaı-aq qundy jádigerlerin tapsyr­ǵany úshin jáne eki el arasyndaǵy mádenı baılanystardyń damýyna qosqan úlesi úshin Armenııa tarıhy mýzeıiniń dırektory Devıd Pogosıanǵa da alǵysymdy bildiremin. Endi kelýshilerge Armenııanyń biregeı mádenıeti­men jáne tarıhymen tanysýǵa tamasha múmkindik týyp otyr», dedi kirispe sózinde.

Armenııa elshisi Armen Gevondıan mádenı baılanystardy damytýdaǵy jáne halyqtar mádenıeti men tarıhyn tanymal etýdegi yntymaqtastyqtyń mańyzdy rólin atap ótti. «Týǵan jerińdi, onyń tarıhyn, ásirese basqa eldiń memlekettik mýzeıi qabyrǵasynda kórip, seziný degen zor baqyt. Biz osyndaı múmkindik alyp otyrmyz. Armıan halqynyń tarıhy men turmysyna arnalǵan ekspozısııadan úlken áser alyp, «óz úıimizdeı» degen sezimdi bastan keship otyrmyz. Kórmeniń ashylýy bizdi shynymen biriktiredi. Mádenıettiń damýyna, eń aldymen kómek pen qoldaý kerek. Osy ekspozısııa bizdiń ózara mádenı baılanysymyzdy odan ári damytýǵa úles qosyp, halyqtar arasyndaǵy dostyq pen ózara túsinistikti nyǵaıtýǵa qyzmet etetinine senemin», dedi A.Gevondıan.

Ekspozısııaǵa shaqyrylǵan qonaqtarǵa «Arvest/О́ner» kórkem galereıasynyń dırektory Rıma Sıakanıan ekskýrsııa ótkizdi. Mýzeıge kelgenderdi Qazaqstan aýmaǵynda turatyn armıan dıasporasynyń dástúrli mádenıeti men turmysynyń biregeı buıymdarymen tanys­tyrdy.

ALMATY