«AMANAT» partııasynyń kezekten tys XXV sezine 2000-nan astam adam qatysty. Olardyń ishinde Saıası keńes músheleri, Májilistiń VII shaqyrylymynyń burynǵy depýtattary, óńirlerden kelgen delegattar, partııanyń «Jastar Rýhy» jastar qanatynyń músheleri, sondaı-aq sarapshylar, úkimettik emes uıymdardyń ókilderi qatysty, dep habarlaıdy Egemen.kz.
«AMANAT» Tóraǵasy Erlan Qoshanov óz sózinde az ǵana ýaqyt ishinde partııa qoǵamnyń jańa suranystaryna sáıkes ózgergenin atap ótti.
«Partııaǵa túpkilikti transformasııa jasap, qurǵaq ýáde men jalań urandardan aryldyq. Sózden naqty iske kóship, saıası alańda da, qoǵamdyq jumysta da barynsha ysyldyq, shyńdaldyq. Shyn máninde Memleket basshysynyń qoǵamdyq tiregine, eldegi túbegeıli reformalardyń qozǵaýshy kúshine aınala bildik. Eń bastysy, «AMANAT» partııasy qysyltaıań sátterde árdaıym halqymyzben birge boldy», dedi ol.
«AMANAT» partııasy barlyq deńgeıdegi máslıhattarǵa 3821, Májiliske 119 kandıdat usyndy. Elimizdiń barlyq ókildi organyna usynylatyn «AMANAT» partııalyq quramasy 75%-ǵa jańardy. Olar – Prezıdent reformalary men partııa baǵytyn júzege asyrýǵa qabiletti jarqyn kóshbasshylardyń jańa toby. Bul quramda barlyq óńirdiń, barlyq salanyń ókilderi bar. Naǵyz memleketshil, patrıot azamattar. Bizdiń úmitkerler partııany ádil de taza jeńiske bastaıdy dep kámil senemin. Sebebi, olardyń artynda ózderińizdeı adal partııalastar men halqymyz bar», dedi Erlan Qoshanov.
О́z kezeginde Májilistiń VII shaqyrylymynyń burynǵy depýtaty Edil Jańbyrshın ekonomıkasy myqty ádil qoǵam qurý úshin eń aldymen aýyldy aıaǵynan turǵyzý qajet dep esepteıdi.
«Aýylda halqymyzdyń 50 paıyzy turady. «AMANAT» partııasy árqashan aýylǵa asa mán berip, ondaǵy aǵaıynnyń esh nársege muqtaj bolmaýyn qamtamasyz etýdi ózine mindet etip otyr. Ulttyq bolmysymyzdy saqtaýdyń, halqymyzdy tarydaı shashyp almaýdyń bir joly – ol aýyldardyń ınfraqurylymyn damytý. Osy maqsatty iske asyrý úshin «AMANAT» partııasy aldaǵy bes jylda júıeli jumys isteıdi. Sondaı-aq jeke sharýashylyqtardy qoldaý úshin «Aýyl amanaty» jobasyn bastap kettik», dedi ol.
22 jasynda Almaty qalasy máslıhatynyń ótken shaqyrylymynyń depýtaty bolǵan paralımpıadashy Serik Esmatov qoǵamnyń ıgiligi úshin eńbek etý ár Qazaqstan azamatynyń qolynan keletinin atap ótti.
«Eki aıaǵymnan aıyrylsam da, ómirimdi ózgerte aldym jáne elimizdi jaqsy jaqqa ózgertkim keledi. Zamanaýı jáne Ádiletti Qazaqstandy qurý isine búkil qoǵamnyń atsalysýy mańyzdy», dedi Serik Esmatov.
Sondaı-aq sezde jýrnalıst, Almaty qalasy máslıhatynyń VII shaqyrylymynyń eks-depýtaty Sergeı Ponomarev, «Jastar Rýhy» jastar qanatynyń belsendisi Arıana Belobjıskaıa, belgili zańger, «Jer amanaty» komıssııasy tóraǵasynyń orynbasary Baqytjan Bazarbek, Túrkistan oblysy Saryaǵash aýdany máslıhatynyń depýtattyǵyna kandıdat Juldyz Jumanqyzy jáne aqyn Almas Ahmetbekuly sóz sóıledi.
Pikir almasýdan jáne daýys berý rásiminen keıin «AMANAT» partııasynyń kezekten tys XXV seziniń sheshimimen partııalyq tizimder men birmandatty aýmaqtyq saılaý okrýgteri boıynsha saılanatyn Májilis depýtattyǵyna kandıdattardyń tizimi men partııanyń saılaýaldy baǵdarlamasy bekitildi.
Saılaýaldy baǵdarlamanyń tolyq mátini úgit-nasıhat kezeńiniń alǵashqy kúninde jarııalanyp, partııanyń saıtynda ornalastyrylady.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
