«Biz mundaı quqyqtyq norma arqyly barlyq taraptardyń ózara jaýapkershiligin kúsheıtý mekteptegi oqý ádebıetiniń sapasyn arttyrýǵa oń áser etedi dep sanaımyz», deıdi ortalyq basshysy Eldos Nurlanov.
Eske salsaq, sońǵy úsh jylda Oqý-aǵartý mınıstrligi memlekettik saraptama rásimderiniń obektıvtiligin arttyrýǵa, sarapshylarǵa, avtorlarǵa jáne oqýlyqtarǵa qoıylatyn talaptardy naqtylaýǵa baǵyttalǵan birqatar zańnamalyq shara qabyldady.
2020 jyly saraptama júrgizý prosesi tolyǵymen qupııalyq rejımge aýystyryldy. Mınıstrlik saıtynda pdf jáne epub formatyndaǵy qaǵaz oqýlyqtardyń elektrondyq nusqalary ashyq ornalastyrylyp, avtorlar kórsetilmeıtin boldy. Bul - saraptamanyń ádildigi men ashyqtyǵyn qamtamasyz etetinin shara. Sondaı-aq baspalarǵa ishki saraptama júrgizý, avtorlardyń oqý ádebıetterin ázirleýdiń ádisnamasy, olardy baǵalaý krıterııleri boıynsha oqytý kýrsynan ótkizý jaýapkershiligi júkteldi.
