Altaı Kólginovtyń aıtýynsha, shalǵaı aýyldarda qaýipsizdik talaptaryna saı kelmeıtin mektepter bar. Petropavldaǵy oqıǵadan keıin barlyq óńirlerdegi bilim oshaqtaryna qaıta tekserý júrgiziledi. Búgingi kúni mektepterdiń 87 paıyzynda dabyl túımesi ornatylyp, basym bóligi lısenzııalyq kúzetpen kelisimshart jasaǵan. Qazir Petropavlda arnaıy komıssııa qyzmettik tekseris júrgizip jatyr. Jaýapty tulǵalar qatań jaýapkershilikke tartylýy múmkin. Bul tergeý amaldarynyń qorytyndysynan keıin belgili bolady.
«Burynǵy tájirıbeni eskeretin bolsaq, zeınetke shyqqan adamdar qaraýyl bop otyratyn. Ol áli de shalǵaıdaǵy mektepterde bar. Sondyqtan tapsyrma ótken jyly da berilgen. Bıylǵy jyldyń basynda da berildi. Burynǵyǵa qaraǵanda edáýir jaqsardy. Biraq álde de kemshilikter bar. Ony ákimdikter, bilim berý basqarmalary, mektep dırektorlary qamtamasyz etý qajet», dedi Premer-mınıstrdiń orynbasary.
