Is-sharaǵa elshi Jánibek Ábdrashov, qazaq-majar «Bars» qorynyń prezıdenti Andrash Gal, Abaı ortalyǵy men qazaq dıasporasynyń jetekshisi Ońǵaısha Mandokı, Túrki memleketteri uıymynyń Majarstandaǵy ókildiginiń basshysy Iаnosh Hovarı, «Eýrazııalyq birlik» qorynyń prezıdenti Ishtvan Bense, Nazarbaev ýnıversıtetiniń qazaq tili jáne túrkitaný kafedrasynyń professory, túrkolog Davıd Shomfaı Qara, qazaq dıasporasynyń ókilderi, stýdentter qatysty.
Quttyqtaý sózinde Andrash Gal 25 jyldan astam Qazaqstan men Majarstan arasyndaǵy ǵylymı jáne mádenı baılanystardy damytyp kele jatqan qordyń qyzmeti týraly aıtty.
Qazaqstan elshisi bul is-sharanyń qazaq dıasporasy, sondaı-aq Majarstandaǵy joǵary oqý oryndarynda bilim alyp jatqan jastar arasynda qazaqtyń salt-dástúri men ádet-ǵurpyn nyǵaıtýǵa baǵyttalǵanyn atap ótti.
Qonaqtarǵa «Tusaý kesý», «Betashar», «Qyz qýý» sııaqty salt-dástúrler men ulttyq mýzykanyń «kúı», «kúı-tartys», «terme» sııaqty negizgi janrlary tanystyryldy. Sonymen qatar majar mýzykanttary Tamash Palcho men Tórók Tılla «Kózimniń qarasy», «Qýanysh valsi» syndy qazaq ánderin, sondaı-aq majar halqynyń «Vıragom – gúlim» ánin dombyramen oryndady.
Majar dostar qazaqtyń aspazdyq dástúrlerimen tanysty. Is-shara sońynda qonaqtar merekelik dastarhannan ulttyq taǵamdardyń dástúrli taǵamdarynan dám tatty.
