Qazaqstan tennıs federasııasynyń málimetinshe, jarystyń 9-raketkasy bolyp tirkelgen qazaqstandyq tennısshi alǵashqy aınalymda qazirgi kezde dúnıejúzilik reıtıngte 36-orynda turǵan kanadalyq, 2019 jylǵy AQSh chempıony Bıanka Andreeskýmen sheberlik baıqasyp 6:3, 6:4 esebimen utty. Rybakına ekinshi aınalymda álemniń 26-raketkasy, chehııalyq Marııa Boýzkovamen kezdesedi.
Qazaqstannyń ekinshi, álemniń 46-raketkasy Iýlııa Pýtınseva Dýbaı WTA 1000 týrnıriniń bastapqy kezdesýin álemniń 28-raketkasy, horvatııalyq Petra Martıchpen ótkizdi. Birinshi partııada breık jasaǵan Pýtınseva sol basymdylyǵyn saqtap qaldy – 6:4. Esesine ekinshi sette birde-bir geım alǵan joq – 0:6. Degenmen sheshýshi, úshinshi partııada sátti oınaı bildi – 6:2.
Iýlııa ekinshi aınalymda álemniń 15-raketkasy, chehııalyq Petra Kvıtovamen sheberlik baıqasady.
