ATI.SU bırjasynda Qazaqstan aýmaǵynda jumys isteıtin myńǵa jýyq tasymaldaýshy tirkelgen. Tenderge qatysýshylardyń kóp bolǵanyna baılanysty tapsyrys berýshi úshin áldeqaıda qolaıly baǵa qalyptasady. Al eger tenderdi turaqty birneshe seriktes arasynda ǵana ótkizse, onda básekeniń tómendigine baılanysty qymbat tarıfke tap bolýy múmkin.
Onlaın-tenderge qatysýshylary salystyrýǵa múmkindik alady. Bırjadaǵy paıdalanýshylardyń barlyǵynda kompanııanyń sıpattamasy jáne reıtıngi jazylǵan profıl bar. Sonymen qatar túrli parametr boıynsha kontragentterdiń senimdiligin tekseretin qosymsha quraldar da qoljetimdi. Osylaısha, yńǵaıly shart usynyp otyrǵan merdigerdi ońaı tańdaýǵa bolady.
Ázirleýshilerdiń aıtýynsha, jańa servıs birneshe tasymal uıymdastyratyn kompanııalardyń eńbek shyǵynyn únemdeıdi: Mysaly, bir baǵyt boıynsha ondaǵan reıs jasaýǵa týra kelgen kezde. Tender kómegimen barlyq kólemdi tasymaldaýǵa birden kelisim jasaýǵa bolady, tipti merzimi uzartylǵan bolsa da. Kelesi tapsyrys úshin jańa merdiger izdep áýre bolyp jatpaıdy. Sonymen birge bırja mamandary basqa saıttardan da tenderlerdi tańdap beredi. Tasymaldaýshy tasymaldaýǵa tapsyrys alý úshin birneshe saıtty qatar qarap áýre bolmaıdy. Barlyǵy bir jerde jınaqtalyp turady.
Mamandardyń aıtýynsha, qyzyqty tapsyrystardy jınaqtaý úderisi avtomattandyrylady. Máselen, búkil qoljetimdi tenderlerdi qolmen tańdap jatýdyń keregi joq. Qajetti baǵytty, qundy, mashına parametrlerin arnaıy pishinde joldaýǵa jáne osy parametrlerge sáıkes keletinderdi tańdaýǵa bolady. Yńǵaıly ótinimderdi avtomatty túrde habarlaıtyndaı etip baptap qoıýǵa múmkindik qarastyrylǵan. Qolaıly tenderge avtomatty túrde qatysý fýnksııasy da iske qosyldy.
«Sıfrly qural kompanııalarynyń logıstıkany uıymdastyrý sharýasyn jeńildetýge jáne júk tasymaldaýdaǵy shyǵyndardy azaıtýǵa kómek beredi. Al tasymaldaýshylar úshin avtoparktiń ońtaıly júk kólemi qamtamasyz etiledi. Onlaın-tender – iri tapsyrystardy avtomattandyrýdaǵy jańa múmkindik. Eger buryn kompanııalar ár reıske merdiger izdep júretin bolsa, qazir bir oryndaýshymen birneshe tasymalǵa qol qoıýǵa bolady. Sonda eki tarap ta utady: tasymaldaýshy uzaqmerzimdi kelisimshartqa ıe bolady, al júk jiberýshi barlyq reısinde senimdi bir merdigermen jumys isteıdi», deıdi ATI.SU júk tasymaly bırjasynyń Qazaqstandaǵy ókildiginiń dırektory Renata Zobova.
