Ipoteka sharttary:
- Bastapqy jarna – 30%;
- Paıyzdyq mólsherlemesi – alǵashqy úsh jylda 7-10%, keıin 3,5% bolady;
- Páterdi tek bastapqy naryqtan nemese salynyp jatqan turǵyn úıden úlesti qatysý arqyly alýǵa bolady;
- Nesıe somasy – 90 mıllıon teńgege deıin;
- Nesıe merzimi – 25 jylǵa deıin.
Eger úı áli salynyp jatqan bolsa, qosymsha kepil retinde basqa páterdi qoıý qajet. Onyń quny ıpoteka somasynyń keminde 70 paıyzyn jabýǵa tıis jáne salynǵan merzimi kirpish úı bolsa – 60 jyldan, paneldik úı bolsa, 50 jyldan aspaýy kerek. Ol qaryz alýshynyń nemese kepilgerdiń atynda bolýy múmkin. Úı daıyn bolǵanda, satyp alyp jatqan páterdi kepilge qoıýǵa bolady.
Eger qaryz alýshyda depozıt bolmasa, ol 3 jyl boıy turǵyn úıdiń barlyq qunyna aralyq nesıe (7-10%) tóleıdi. Salymdaǵy jınaq páter qunynyń 50 paıyzyna jetkende, mólsherleme 3,5%-ǵa deıin tómendeıdi.
Ázirge baǵdarlamaǵa tek 6 qurylys kompanııasy qatysyp jatyr.
