Almaty qalasy Tótenshe jaǵdaılar departamentiniń habarlýynsha, aqpannyń 25-i men 27-i aralyǵynda qatty jaýyn-shashyn, sondaı-aq temperatýralyq fonnyń joǵarylaýy, qardyń qarqyndy erýi, muzdardyń álsireýi jáne ózenderdegi sý deńgeıiniń kóterilýi kútiledi.
«Búgingi tańda aýdan ákimdikteriniń merdigerlik jáne kommýnaldyq qyzmetterimen 1154 shaqyrym aryq jelileri qoqys pen qardan tazartyldy. Bul baǵyt boıynsha kún saıyn jumystar júrgizilip jatyr», dep atap ótti TJD.
Sonymen qatar Tótenshe jaǵdaılar departamentiniń málimetinshe, taýlarda qar kóshkini júrý qaýpi saqtalady.
«24-25 aqpanda Úlken jáne Kishi Almaty ózenderiniń basseınderinde qar kóshkini júrýi múmkin. Osyǵan baılanysty qar kóshkinin týdyrmaý úshin qar basqan betkeılerge shyǵýǵa tyıym salynady. Taýda jaıaý serýendeýge bolmaıdy», dep tolyqtyrdy mınıstrlik.
