Kezdesýge «Baıtaq» partııasy Túrkistan oblysy fılıalynyń tóraǵasy Nálibaı Bekjan, partııanyń tizimine engizilgen Seıdýlla Ismaılov, kandıdattar Erlik Quljan, Erik Ospanov, Álisher Esmaǵanbetov jáne Túlkibas aýdany boıynsha shtab músheleri qatysyp, turǵyndarmen pikir almasty. Kezdesý barysynda aýdan turǵyndary tarapynan ekologııalyq jáne áleýmettik máseleler jóninde birqatar suraq qoıylyp, usynystar tyńdaldy.
– Men de osy Túlkibastyń týmasymyn. Bizdi qorshaǵan taý men tastyń qaı qaısysy bolsyn, bizdiń balalyq shaǵymyzdyń kýási. Túlkibas aýdany – arnaıy qorǵalatyn qoryq aýmaǵymen astasyp jatqan aýdan. О́kinishtisi, aýdanymyzdyń brendi bolǵan almasy, qyzǵaldaǵy, jan-janýary men qustary búginde joıylyp ketýdiń az-aq aldynda tur. Ony saqtap, bolashaq urpaqqa jetkizý siz ben bizdiń qolymyzda, – dedi Qaırat Aıtbaı.
Budan keıin respýblıkalyq shtab basshylyǵy Aqsý-Jabaǵyly tabıǵı qoryǵy qyzmetkerlerimen júzdesip, murajaıdy aralady. Ekologııalyq máselelerdi talqylady. Keıin Túlkibas aýdanyndaǵy tabıǵı gazdy tasymaldaýmen aınalysatyn kompanııaǵa atbasyn buryp, sala mamandaryna aldaǵy naýqannyń mańyzdylyǵy túsindirildi. О́ńirde óndiris oshaqtary kóp bolǵandyqtan qazir ekologııalyq máseleler de qordalanyp keledi. Qorshaǵan ortanyń tazalyǵy aýyldaǵy aǵaıyn úshin mańyzdy. Sondyqtan partııa belsendileri aýdandaǵy sement jáne ák óndiretin zaýytta boldy. Eńbek ujymymen kezdesip, tuǵyrnamanyń negizgi baǵyttary tanystyryldy.
Aıta keteıik, ótken ǵasyrdyń 50-jyldary negizi qalanǵan óndiris oshaǵy qazir jylyna 500 myń tonna sement, 120 myń tonna ák óndiredi. 600 adamdy jumyspen qamtyp otyr.
