Kezdesýde jergilikti turǵyndardyń biri partııa ókilderine búgingi tańda elimizdegi aýyl muǵalimderiniń bilim berý keleshegi men múmkindikteri týraly saýal qoıdy.
Partııanyń teń tóraǵasy Syrymbek Taý aýyl muǵalimderiniń mártebesin qalamen teńestirý kerektigin aıtty. Sonda aýylǵa qonys aýdarýshylardyń da sany artatynyn jetkizdi. «Birinshiden, qaǵazbastylyqtan bas tartý kerek. Olar aýyldaǵy muǵalim bolsyn, dáriger bolsyn, bıýrokratııalyq máseleler men áleýmettik jaǵdaıyna alańdamaı, tikeleı jumysymen ǵana aınalysýy kerek. Sonda ǵana bilim berý men medısınalyq qyzmettiń sapasy myqty bolady», dedi S.Taý.
Budan keıin uıymdastyrylǵan kezdesýlerde sapaly bilim, mádenı mura, shaǵyn jáne orta bıznesti damytý sııaqty mańyzdy máseleler kóterildi.
«Qyzylorda oblysynda taý-ken ónerkásibi, metallýrgııa, mashına jasaý, hımııa ónerkásibi, jeńil jáne tamaq ónerkásibi aıtarlyqtaı qarqyndy damyp keledi. Bul – júzdegen jáne myńdaǵan jumys ornyn ashatyn bıznesti damytýdyń perspektıvaly baǵyttary. «Respublica» partııasy retinde biz kásiporyndardyń tehnologııalyq damýyn jaqtaımyz, sondyqtan sapaly jumys oryndaryn qurýǵa jáne ınnovasııalardy engizýge bar kúshimizdi salamyz», dedi partııa tóraǵasy Aıdarbek Qojanazarov.
– Árqaısymyz ómirimizdi Qazaqstanmen baılanystyramyz. Bul – bizdiń Otanymyz, biz ony qasterlep, onyń damýyna jan-jaqty atsalysýymyz kerek. Eldiń damýy úshin eń aldymen adam kapıtaly birinshi orynǵa shyǵýy qajet. Saılaýaldy baǵdarlamamyzda árbir azamat sapaly bilim, sapaly medısınalyq kómek alyp, laıyqty jumysqa turýy úshin elimizdiń qandaı joldan ótýi kerektigin naqtylap berdik. Al Májilis depýtaty bola otyryp, biz osy aıtylǵandardyń barlyǵynyń oryndalýyn jedeldetemiz», dedi Májilis depýtattyǵyna kandıdat Ekaterına Smolıakova.
