SQO PD uıymdasqan qylmysqa qarsy kúres basqarmasynyń qyzmetkerleri oblystyq polısııa vedomstvosynyń basqa bólimshelerimen birlesip, asa iri mólsherde zańsyz ań aýlaýǵa kúdikti Petropavldyń úsh turǵynyn ustady.
Uıymdasqan qylmysqa qarsy kúres basqarmasyna Petropavl turǵyndarynyń birinde tirkelmegen qarýdyń bary týraly aqparat tústi. 27 aqpanda tańerteń Chelıabınsk — Novosıbırsk tasjolynyń 525 shaqyrymyn tekserý kezinde polısııa qyzmetkerleri 28 jastaǵy azamattyń basqarýyndaǵy VAZ – 2115 avtokóligin toqtatty. Salonda 29 jáne 30 jastaǵy taǵy eki Petropavl qalasynyń turǵyndary bolǵan. Avtokóliktiń júksalǵyshyn qaraý kezinde Sibir eliginiń 4 ushasy, sondaı-aq TOZ eki tirkelmegen tegis uńǵyly myltyq, 2 patron, gılza jáne basqa da ańshylyq qural-jabdyqtar tabylyp, tárkilendi.
– Budan ári is-sharalardy ótkizý kezinde Petropavldaǵy saıajaı qoǵamdarynyń birindegi úıden 2 ushasy men 41 elik terisi, 119 tuıaq, 12 bas janýar tárkilendi. Bul fakt QR QK-niń 337-babynyń 3-bóligi (Zańsyz ańshylyq) boıynsha sotqa deıingi tergep-tekserýlerdiń biryńǵaı tiziliminde tirkeldi. Tárkilengen qarý men janýarlardyń qaldyqtary saraptamaǵa jiberildi. Kúdiktiler Petropavl qalasy PB ýaqytsha ustaý ızolıatoryna qamaldy, – dep habarlaıdy SQO PD UQQKB bastyǵy Jandos Basybaev.
