Zeınetaqy annýıtetiniń áleýeti

Saqtandyrý syılyq­aqy­la­rynan túsken barlyq túsim­der­diń ishinde erikti jeke saq­tan­dyrý boıynsha jınalǵan syılyqaqy úlesi tórtinshi jyl qa­tarynan basym. 2022 jyly ol 41,1%-dy qurasa, 2021 jyly bul kórsetkish 47,7%-ǵa jet­kenin aıta ketken jón. Odan keıingi orynda erikti múlik­tik saq­tandyrý (jınalǵan syı­lyqaqy úlesi 33,6%-dan 37,2%-ǵa ósken) jáne mindetti saqtan­dy­rý (18,7%-dan 21,7%-ǵa ósti) tur. Olar boıynsha jınalǵan syı­lyqaqy kólemi de ósti: erikti mú­liktik saqtandyrý bo­ıynsha – 22,1%-ǵa kóbeıse, min­detti saq­tandyrý boıynsha 28,3%-ǵa art­qan.

«2022 jylǵy qańtar-jel­toq­­sanda erikti jeke saqtan­dyrý boıynsha saqtandyrý syı­lyq­aqysynan túsken kiris­tiń jartysyna jýyǵy tek eki kom­panııadan tústi: «Halyq-Life» О́SK jáne Nomad Life О́SK: tıisinshe 104,3 mlrd jáne 75,7 mlrd teńge. Olardan keıin «Eýropa Saqtandyrý Kom­pa­nııasy» (55,2 mlrd teńge), Freedom Finance Life О́SK (33,6 mlrd teńge) jáne «Qazaqmys» SK (15,9 mlrd teńge). Erikti je­ke saqtandyrý boıynsha ónim usynatyn 25 saqtandyrý kom­­panııasynyń ishinde 15 saq­tan­dy­rý kompanııasynda jı­nal­ǵan syı­lyqaqy kólemi ulǵaıdy. Eń eleýli ósim «Eýropa Saq­tan­dy­rý Kompanııasynda» (23,3 mlrd teńgege), «Qazaqmys» SK-da (11,5 mlrd teńgege) jáne Freedom Finance Life О́SK-de (9,4 mlrd teńgege) baıqaldy. Qal­ǵan kompanııalarda 741 myń­nan 4,8 mlrd teńgege deıin ósti», delingen Ranking sho­lýyn­­da.

Bul rette sektordaǵy syı­lyq­­aqynyń jalpy kólemi 19 mlrd teńgege qysqardy, buǵan erikti jeke saqtandyrý boıynsha negizinen ómirdi saqtandyrý kom­panııalarynan (eń kóp syı­lyqaqy kólemi bar eki kompa­nııa­ny qosqanda) jınalǵan syı­lyq­aqy kóleminiń tómendeýi áser etti:

Syılyqaqy Nomad Life О́SK-de – 31,4 mlrd teńgege, Stan­dard Life О́SK-de – 11,8 mlrd teńgege, «Eýrazııa» О́SK-de – 11,4 mlrd teńgege jáne «Halyq-Life» О́SKde 11 mlrd teńgege azaıdy. Erikti jeke saqtandyrý bo­ıynsha syılyqaqy kólemi 10 myńnan 3,8 mlrd teńgege deıin tómendegen. Bul oraıda sarapshylar erikti jeke saq­­tandyrý ­boıynsha­ jar­nalardyń tómen­de­ýine «ki­ná­li» faktor retinde erikti jeke annýıtettik saqtan­dy­rýdan túsken túsimder­diń 2022 jylǵy qańtar-jel­toq­sanda birden 46,4 mlrd teń­ge­ge nemese 33,7%-ǵa, 91,1 mlrd teńgege deıin quldyrap ketýin ataıdy. Bir jylda annýıtet­tik saqtandyrý boıynsha syılyq­aqy úlesi 35,4%-dan 24,7%-ǵa deıin qysqarǵan.

Aıta ketý kerek, ómirdi saq­tan­dyrý kompanııalary ǵana annýı­tettik saqtandyrýdy usy­­­na­dy.

«Eger segmentti tolyǵyraq qaras­tyratyn bolsaq, annýı­tet­tik saqtandyrý boıynsha syı­lyqaqylar kóleminiń tó­men­deýi «Qazaqstanda zeınet­aqy­men qam­syzdandyrý týra­ly» zańǵa sáı­kes jasalǵan zeı­netaqy an­nýıteti sharttary boıynsha syılyqaqylardyń tómendeýine baılanysty boldy. Kórsetkish bir jylda 49 mlrd teńgege nemese 37,7%-ǵa tómendep, 2022 jylǵy qańtar-jeltoqsanda nebári 80,9 mlrd teńgeni qurady. Zeınetaqy annýıteti sharttary boıynsha jınalǵan syılyqaqy kóle­mi­niń aıtarlyqtaı tómen­de­ýi Nomad Life О́SK (16 mlrd teńgege), «Eýrazııa» О́SK (12,6 mlrd teńgege), «Halyq-Life» О́SK (12,4 mlrd teńgege) jáne Standard Life О́SK-de (10,3 mlrd teń­gege) baıqaldy», delingen zert­teýde.

О́mirdi saqtandyrý kompanııalary usynatyn zeınetaqy annýıteti sharttary merziminen buryn zeınetke shyǵýǵa jáne ony ómir boıy tóleýge múm­kin­dik beredi. Alaıda klıent qaıtys bolsa, onda tólem de toq­tatylady. Klıenttiń mu­ra­­ge­ri tólemniń kepildik be­ril­gen mer­ziminiń opsııasy rá­sim­del­gen jaǵdaıda ǵana bel­gili bir ýaqyt ishinde tólem alý múmkindigine ıe bolady. Olaı bolmaǵan jaǵ­daı­da qarjy saq­tan­dyrý kompanııasynda qala beredi.