Larısa mańynda júk poıyzymen soqtyǵysqan Afıny-Salonıkı poıyzy jolaýshylarynyń kóptegen týystary áli kúnge deıin jaqyndarynyń taǵdyrynan habarsyz.
Qutqarýshylar maıysqan, synǵan metaldar arasynan jolaýshylardy izdeýdi jalǵastyrýda. AFR-tiń órt sóndirýshilerge silteme jasap habarlaýynsha, poıyzdyń meıramhana vagony poıyzdar soqtyǵysqannan keıin birden órtenip ketken, ondaǵy temperatýra 1300°S deıin jetken.
Eldiń túkpir-túkpirinde donor bolǵysy keletinder qan quıý pýnktterinde uzyn-sonar kezekke turǵan. Grekııanyń Qyzyl Aı ókilderiniń aıtýynsha, birinshi kúni-aq olardyń qyzmetkerleri qan quıylǵan 270 konteıner jınaǵan.
Zardap shekkenderdiń jasy – 21-26 jas aralyǵyndaǵy jolaýshylar. Olar Larısa men Salonık aýrýhanalaryna jetkizilgen. «Proto Tema» basylymy 48 adam jaralanǵanyn, olardyń altaýy qarqyndy terapııa bóliminde jatqanyn jazdy.
Qaıǵyly oqıǵa Grekııa qoǵamy úshin aýyr soqqy boldy. Elde qarsylyq sharalary ótip jatyr. Temirjol qyzmetkerleri qaýipsizdikti qamtamasyz etýde burynnan kele jatqan máseleler bar ekenin aıtyp, ereýilge shyqqan.
