«Álemdik ekonomıka qubylyp tur, ınflıasııa ósip jatyr, saýda baılanystary úzilip, kóp jylǵy kelisim jumys isteýin toqtatty. Munyń bári árqaısymyzǵa áser etpeı qoımaıdy. Sizdiń partııańyz qarapaıym halyqtyń jaǵdaıyn qalaı jaqsarta alady?» degen suraq qoıdy debat júrgizýshisi.
Bul oraıda Aıdos Sarym Amanat partııasynyń baǵdarlamasy halyqpen birlesip jazylǵanyn atap ótti. «Halyqtyń muńyn jaqsy bilemiz, ony biz ǵana sheshe alamyz» degen partııa ókili elde tártip ornatatynyn alǵa tartty.
«Biz áleýmettik ádilettikti qamtamasyz etemiz. Zańsyz shyǵarylǵan kapıtaldardyń qaıtarylýyna qol jetkizemiz. Jemqorlyqpen, olıgopolııamen, latıfýndıstermen kúresti kúsheıtemiz. Ár otbasynyń, ár qazaqstandyqtyń tabysynyń artýyna yqpal etemiz», dedi Aıdos Sarym.
Sondaı-aq ol jańa Áleýmettik kodeks qabyldanatynyn aıtty.
