Bankrottyqqa ótinim berý úshin qandaı qujat qajet?

Azamat ótinim bermes buryn myna derekterdi mindetti túrde tekserýi tıis:

• Bankter, mıkroqarjy uıym­dary, kollektorlyq agenttik­ter aldyndaǵy bereshek 5,5 mln teń­geden aspaýy jáne keshiktirý mer­zimi 12 aıdan kem bolmaýy;
• Múlikke, onyń ishinde ortaq men­shiktegi múlikke menshik quqy­ǵy­nyń bolmaýy (Egov.kz.);
• О́z telefonyńyzdyń jáne jubaıyńyzdyń nómirin mobıldi azamattar bazasynda (MAB) tir­keý. Uıaly telefon nómirin tir­keý úshin my.egov.kz siltemesi bo­ıynsha ótý kerek.
• Aryzǵa kredıtormen (ekin­shi deńgeıdegi bankpen nemese mıkroqarjy uıymymen) qaryz­dy retteý týraly qujat qosa be­ri­ledi.

Banktiń retteýden bas tartýy jáne ótinishtiń kóshirmesi nemese ótinishti elektrondy formatta jiberý týraly rastaý (bankten jaýap bolmaǵan jaǵdaıda) retteý qu­jaty dep sanalady. Kol­lek­tor­lyq agenttikter aldyn­da­ǵy qa­ryz boıynsha retteý qujaty qa­jet emes.

«Ulttyq aqparattyq tehnologııalar» AQ basqarma tóraǵasy Rostıslav Konıashkınniń aıtýyn­sha, qujattardyń tolyq pa­ke­tin jınamaı turyp eGov.kz portalynda ótinim berýdiń nemese Halyqqa qyzmet kórsetý orta­ly­ǵyna barýdyń máni joq. Eń aldymen ekinshi deńgeıli bank­ten qajetti rastaýdy alý kerek. Sodan keıin ǵana jeke tulǵa bank­rottyǵyna ótinim berýge bolady.

Sottan tys bankrottyq pro­sedý­rasyn qoldaný týraly óti­nim­di berý úshin:

• Qazaqstan Respýblıkasynyń joǵaryda atalǵan zańynda kóz­del­gen azamatty bankrot dep ta­ný týraly sottan tys tártippen aryz berý talaptarynyń saq­talý­yn rastaýy;
• Nekede bolǵan jaǵdaıda jubaıynyń (joldasynyń) JSN-yn kórsetýi;
• Nesıesi bar qarjy uıym­da­ry týraly derek engizýi;
• Salyq organyn kórsetip, qujattar kóshirmesin engizýi;
• Eger ataýly áleýmettik kó­mek ala­tyn bolsa arnaıy belgi qoıýy;
• Mindettemeni oryndaý mer­zi­mi 5 jyldan asqan bolsa ar­naıy belgi qoıýy;
• О́tinimge birrettik qupııa sóz­ben ne­mese ESQ-men qol qoıýy;
• О́tinimdi jibergennen keıin jeke kabı­nette jubaıy (joldasy) kelisim berý tıis.

О́tinim jaýaby 15 jumys kúni ishinde sheshimge silteme kúıinde jeke kabınetke kelip túsedi. She­shim­di Qarjy mınıstrliginiń saıtynan da qaraýǵa bolady. Sot­tan tys bankrottyq prosedý­ra­syn júrgizý ýaqyty 6 aıǵa deıin sozylady.

Sottan tys bankrottyq rási­min qoldanýdan bas tartý týraly habarlamany alǵan jaǵdaıda aza­mat bas tartýǵa sebep bolǵan negizder joıylǵannan keıin, biraq bas tartýdy alǵan kúnnen keıingi kúntizbelik 3 (úsh) aıdan erte emes merzimde qaıta jú­gi­ný­ge quqyly.

Bankrottyqqa ótinim berýdiń negizgi qadamdary mynadaı:

1. eGov.kz portalynyń bas­ty betinde jáne «Azamattarǵa» bóliminde «Salyq jáne keden», odan ári qaraı «Ekonomıka jáne qarjy» aıdaryn tabý kerek.
2. Sonyń ishinde «Sottan tys bankrottyq rásimin qoldaný» qyz­metin tańdap, «Onlaın suraý» batyrmasyn basyńyz.
3. Usynylǵan qyzmetter ishi­nen «Sottan tys bankrottyq pro­se­dýrasyn qoldaný qyzmetine ótinish berý» qyzmetin tańdaısyz.
4. Ári qaraı ekranda paıda bolatyn habarlamamen tanysyp, kelisim beresiz.

Odan ári kelesi málimetterdi kórsetińiz:

1. Mekenjaı derekteri;
2. Nekede bolǵan jaǵdaıda erli-zaıyptylardyń JSN-y;
3. Nesıesi bar qarjy uıym­da­ry týraly málimetter;

Salyq organyn tańdap, qa­jet­ti qujattardy júkteısiz.

1) Eger siz nekede bolsańyz;

2) Eger siz ataýly áleýmettik kómek alýshy bolsańyz;

3) Eger mindettemelerdi oryn­daý merzimi 5 jyldan assa, onda atal­ǵan pýnktterge belgi qoıý qa­­jet. 

Ári qaraı «Kelisim» qadamyn­da­ǵy elementterdi tekserip, belgi qoıý kerek. О́tinimge qol qoıýdyń qoljetimdi ádisteriniń birimen qol qoıasyz. Kelisýshi (jubaıy ne­mese joldasy) rastaǵannan ke­ıin ótinim memlekettik organǵa ji­­beriledi.

Dál osyndaı qyzmet eGov Mobile mobıldi qosymshasynyń «Ar­naıy qyzmetter» bóliminde de qoljetimdi.

Buǵan deıin Qarjy naryǵyn retteý jáne damytý Agenttigi bankrottyqqa ótinim bermeı tu­ryp nesıe tarıhyn tekserip alýdyń jolyn jarııalaǵan edi.

«О́tinish berý úshin joǵaryda kór­setilgen negizderdiń bar-jo­ǵyn tekserý maqsatynda Qazaq­stan Respýblıkasy aza­mat­taryna id.mkb.kz saıtynan merzimi ótken kúnderdiń eń az sanyn kórsete otyryp, aǵymdaǵy mindettemelerdiń somasyn qamtıtyn derbes esep (Qa­zaqstan Respýblıkasy aza­mat­tarynyń bankrottyǵy) alý usy­nylady. Bul esep tegin, elek­tron­dyq qurylǵylardan, sonyń ishinde mobıldi quryl­ǵy­lardan qoljetimdi», delinedi Agenttik habarlamasynda.

Bankrot dep tanýdyń saldary bar ekenin atap ótý qajet: Azamatqa 5 jyl ishinde qaryz jáne nesıe alýǵa tyıym salynady (lombardtardan mıkronesıe alý­dy qospaǵanda). Ekinshi ret bankrottyq jarııalaýǵa 7 jyl­dan keıin ǵana ruqsat eti­ledi. Bankrot bolǵannan keıin 3 jyl boıy bankrottyń qar­jy jaǵdaıyna monıtorıng júr­gi­ziledi.