«Oskardy» kimder aldy?

Dástúrli rásimdi amerıkalyq akter, komık Djım­mı Kımmel júrgizdi. Aıta keterligi, uıymdas­tyrýshylar 2023 jylǵy «Oskardy» tabystaýda qansha jyldan beri tóselip kelgen qyzyl kilemnen bas tartty. Onyń ornyna sary-altyn tústi kilem jaıyldy. Uıymdastyrýshylardyń aıtýynsha, bul tús tynyshtyq pen beıbitshiliktiń belgisindeı áser qaldyrady. Eske salsaq, áıdik syılyqtyń kileminiń túsi sonaý 1960 jyldan beri birinshi ret aýysyp otyr.

Sonymen bıylǵy «Oskar» kimderge buıyrdy? «Úzdik anımasııalyq fılm» – «Pınokkıo» (Gı­ler­­mo del Toro), «Úzdik qosalqy akter» – Ke Hıýı Kýan («Barlyǵy barlyq jerde jáne birden»), «Úz­dik qo­salqy aktrısa» – Djeımı lı Kertıs («Bar­ly­­ǵy barlyq jerde jáne birden»), «Eń úzdik qys­qa­metrajdy fılm» – «Irlandsha qoshtasý», «Úz­dik operatorlyq jumys» – «Batys maıdanda óz­geris joq» (Djeıms Frend), «Eń úzdik grım men shash úlgisi» – «Kıt», «Úzdik kostıýmder» – «Qara Pantera: Vakanda máńgige», «Shet tilindegi úzdik fılm» – «Batys maıdanda ózgeris joq» (Germanııa), «Úz­dik qysqametrajdy derekti fılm» – «Pilder sı­qyrshysy», «Úzdik qysqametrajdy anımasııalyq fılm» – «Bala, kórtyshqan, túlki jáne jylqy», «Eń úzdik qoıýshy-dızaıner jumysy» – «Batys maıdanda ózgeris joq», «Úzdik saýndtrek» – «Batys maıdanda ózgeris joq», «Úzdik qoıýshy-sýretshi jumysy» – «Batys maıdanda ózgeris joq», «Úzdik vızýaldy ef­fektiler» – «Avatar: Sý joly», «Úzdik túpnusqa ssenarıı» – «Barlyǵy barlyq jerde jáne birden», «Úzdik beıimdelgen ssenarıı» – «Áıelder sóılep tur», «Úzdik dybys» – «Top Gan: Meverık», «Úzdik án» – úndistandyq RRR fılmindegi «Naatu Naatu» áni, «Úz­dik montaj» – «Barlyǵy barlyq jerde jáne bir­den», «Úzdik rejısser» – «Barlyǵy barlyq jerde jáne birden» fılminiń rejısserleri Denıel Kvan men Denıel Shaınert, «Úzdik akter» – Brendan Freı­zer («Kıt»), «Úzdik aktrısa» – Mıshel Ieo («Bar­lyǵy barlyq jerde jáne birden»), «Úzdik fılm» – «Barlyǵy barlyq jerde jáne birden» fılmi atandy.