Fermerler: eksportqa shekteý joıylsyn

«Altaı» JShS basshysy Nur­lan Nurbekovtiń aıtýynsha, kóktemgi egis naýqany jaqyndap qaldy, alaıda byltyrǵy pııaz áli túgel satylmaǵandyqtan tu­qym alýǵa qarjy joq. Onyń ústi­ne pııaz uzaqqa shydamaıtyn ónim – buzylsa, shyǵynyn eshkim ótemeıdi.

«Qazir biz alypsatarlarǵa 1 kılo pııazdy 150 teńgeden jetkizýimiz kerek. Al olar ony 300 teńgeden artyq baǵamen satady. Sonda alypsatarlar, tipti logıstıkalyq shyǵyndy shegerip tastaǵannyń ózinde, 1 kılodan 120-130 teńgeden paıda kóredi. Al pııazdy ósiretinderge eginge daıyndalýǵa jáne kelesi maýsymǵa tuqym alýǵa aqsha qal­maıdy», deıdi Nurlan Nurbekov.

Kásipkerlerdiń aıtýynsha, aýylsharýashylyq óndiristik kooperatıviniń qyzmeti is júzin­de iri bólshek saýdagerlerdiń múddelerine jumsalady. Al naryqqa ónim jetkizý men baǵany ustap turýdyń aýyrlyǵy tek óndirýshige túsedi.

Eger jaǵdaı rettelmeıtin bolsa, onda fermerler pııaz ósirý­­di toqtatýy da múmkin. Pııaz­dyń áleýmettik mańyzy zor taýarǵa jatatynyn eskersek, onda jaqyn keleshekte otan­dyq naryqqa qater tónýi ábden múmkin.

«Biz onsyz da jyl saıyn bıliktiń «yǵyna jyǵylyp» taýar­dyń bir bóligin tómen baǵa­men satamyz. Dál osylaı jal­ǵassa, tyıym alynbasa, k­elesi jylǵa pııaz ege almaı­myz. Qyrǵyzstan tyıymdy biz­den keıin qoıdy. Biraq qazir alyp tas­tady. Pııazdy sonsha ýa­qyt saq­taı almaıtynyn, odan dı­qan­dar zardap shegetinin túsinip otyr», dep bazynasyn aıtady sharýalar.

«Atameken» osy máselege oraı Saýda jáne ıntegrasııa mınıstrligine resmı hat joldap qoıǵan. Qazir jaýabyn kútip otyr.

Eske salaıyq, ýákiletti memlekettik organdar 2023 jyldyń qańtarynda pııazdy shetelge shyǵarýǵa tyıym salǵan bolatyn. Buǵan Ortalyq Azııa­nyń keıbir elderindegi pııaz tap­shylyǵy sebep boldy. Ishki na­ryq­ty pııazben qamtı almaı qa­lamyz dep qaýiptengen el bıligi pııaz eksportyna shekteý engizýge májbúr bolǵan edi.

Eksporttyq shekteý, endi odan keıingi shirip ketý qaýpine qara­mastan, pııaz baǵasy áli qym­bat kúıinde qalyp tur. Eksportqa tyıym salynǵannan keıin qańtar ishinde pııaz baǵasy 16,7 paıyzǵa, aqpanda 28,5 paıyzǵa ósti.

2022 jyly Qazaqstan syrt elderge 85,6 myń tonna pııaz satyp, 6,5 mln dollar tabys túsirdi. Al bıyl qańtarda EAEO-ǵa kirmeıtin elderge 3,4 mln dol­larǵa 54,2 myń tonna pııaz eksporttaǵan.